खेर्सन कला संग्रहालय
_2.jpg)
| स्थापना | 1978  |
|---|---|
| शीर्षक | Херсонський художній музей імені Олексія Шовкуненка |
| याचे नावाने नामकरण | Oleksii Shovkunenko |
| देश | युक्रेन |
| या राजकीय व प्रशासकीय सीमांतर्गत असणारे स्थान | खेर्सन |
| या मार्गावर स्थित | Q12092411 |
| स्थान | खेर्सन |
| भौगोलिक गुणक | ४६°३७′४७″N ३२°३६′३४″E |
| महत्वाची घटना | looting by Russian forces during the Russian invasion of Ukraine |
| अधिकृत उद्घाटनाचा दिनांक | २७ मे 1978 |
| Street address | вул. Соборна, 34, ул. Соборная, 34, Soborna street, 34 |
| अधिकृत संकेतस्थळ | http://www.artmuseum.ks.ua/ |
खेर्सन कला संग्रहालय हे युक्रेनमधील खेर्सन येथील एक कला संग्रहालय आहे. हे ओलेक्सी शोव्हकुनेन्को खेर्सन प्रादेशिक कला संग्रहालय या नावानेही ओळखले जाते. हे खेर्सन पूर्वीच्या सिटी हॉल इमारतीत आहे. हे संग्रहालय २७ मे १९७८ ला उघडले होते.[१][२]
२०२२ मध्ये युक्रेनवर झालेल्या रशियन आक्रमणादरम्यान, खेर्सान शहर ताब्यात असताना रशियन सैनिकांनी संग्रहालय लुटले. युक्रेनियन सैन्याने शहर मुक्त करण्याच्या काही काळ आधी, हा संग्रह रशियन-व्याप्त क्रिमियामधील सिम्फेरोपोल येथील टौरिडाच्या केंद्रीय संग्रहालयात हलवण्यात आला.[३][४]
इतिहास
[संपादन]पुरातत्वशास्त्रज्ञ आणि सार्वजनिक व्यक्तिमत्व व्हिक्टर इवानोविच गोश्केविच यांनी १८९० मध्ये खेर्सन येथे एका पुरातत्व संग्रहालयाची स्थापना केली. १९०९ मध्ये, गोश्केविच यांनी हे संग्रहालय शहराला भेट म्हणून दिले. या भेटीमध्ये मूळ गोश्केविच संग्रहालयाची इमारत आणि नाणी व पुरातत्वीय वस्तू, तसेच चित्रे आणि प्रतिमा यांचा समावेश असलेला संग्रह, या दोन्हींचा समावेश होता.
१९१२ मध्ये, स्थानिक आश्रयदाते प्रिन्स मिकोला अँटोनोविच गेड्रोइट्स यांच्या पुढाकाराने, गोश्केविच संग्रहालय इमारतीच्या तळमजल्यावर ललित कला संग्रहालय उघडण्यात आले आणि संग्रहालयाने चित्रकला, शिल्पकला, पोर्सिलेन, क्रिस्टल आणि कोरीव कामाच्या कलाकृतींनी आपला संग्रह वाढवला.
या कालावधी ओलेक्सी पी. बोगोल्युबोव्ह, कोलेस्निकोव्ह, किरील व्ही. लेमोख, व्लादिमीर ई. माकोव्स्की, व्हीडी पोलेनोव्हा, मायकोला के. पायमोनेन्को, एस.एस. येगोर्नोव्ह आणि झारुबिन यांची चित्रे आणि शिल्पकार गिञ्हबर्ग आणि बी.डब्ल्यू. एडवर्ड यांच्या कलाकृतींचा समावेश आहे.
सोव्हिएत काळ
[संपादन]पहिल्या महायुद्धानंतरच्या १९२० आणि १९३० च्या दशकात, संग्रहालयात रशियन आणि पश्चिम युरोपीय महान कलाकारांच्या कलाकृतींचा समावेश करून संग्रह पुन्हा भरण्यात आला. दुसऱ्या महायुद्धाच्या पूर्वसंध्येला, संग्रहालयात सुमारे ७०० प्रदर्शनीय वस्तू होत्या. फॅसिस्ट राजवटीच्या काळात, नाझींनी कलाकृतींच्या संग्रहासह संग्रहालयातील बहुतेक मौल्यवान वस्तू खेर्सनमधून जर्मनी आणि रोमेनियामधील ठिकाणी नेल्या.
आधुनिक काळ
[संपादन]१९७६ मध्ये, शहराला लेनिनग्राडच्या मूळ रहिवासी एम. आय. कोर्निलोव्स्काया यांचा संग्रह वारसा म्हणून मिळाला, ज्यामध्ये ५०० ललित कलाकृती आणि पुस्तकांचा एक अद्वितीय संग्रह समाविष्ट होता. सध्याचे खेर्सन कला संग्रहालय १९७८ मध्ये स्थानिक इतिहास संग्रहालयाचा कला विभाग आणि लेनिनग्राड संग्रहाच्या आधारावर तयार करण्यात आले. स्थापनेच्या सुरुवातीच्या काळात, सोव्हिएत युनियन आणि युक्रेनच्या संस्कृती मंत्रालये, तसेच सोव्हिएत युनियन आणि युक्रेनच्या कलाकारांच्या संघांच्या निधीतून मोठ्या संख्येने प्रदर्शनीय वस्तू संग्रहालयाच्या संग्रहात हस्तांतरित करण्यात आल्या. १९८१ मध्ये, सोव्हिएत युनियनचे युक्रेनियन लोककलाकार ओलेक्सी ओ. शोवकुनेन्को यांच्या पत्नी ओ. व्ही. शोवकुनेन्को यांनी त्यांच्या पतीच्या १०० हून अधिक कलाकृती संग्रहालयाला दान केल्या.
संग्रहालय इमारत
[संपादन]
हे संग्रहालय खेर्सनच्या पूर्वीच्या सिटी हॉलमध्ये आहे. १९०५-०६ मध्ये बांधलेली ही इमारत विशेषतः शहराची प्रशासकीय कार्यालये, ज्यात महापौरांचे कार्यालय, शहरातील न्यायालय आणि शहरातील सार्वजनिक बँक यांना सामावून घेण्यासाठी तयार करण्यात आली होती. हे आजही शहराच्या सर्वात प्रसिद्ध प्रतीकांपैकी एक आणि "शहराच्या आध्यात्मिक वारशाचा खजिना" मानले जाते.[५]
१९०० साली, सिटी ड्यूमाच्या (परिषदेच्या) एका बैठकीत, खेर्सनचे महापौर द्वितीय वोलोखिन यांनी शहराची कार्यालये केंद्रीकृत करण्यासाठी एक इमारत बांधण्याचा मुद्दा उपस्थित केला. ड्यूमा-मान्यताप्राप्त स्पर्धेत सादर केलेल्या चार अनामिक प्रस्तावांपैकी, ओडेसा-निवासी वास्तुविशारद ॲडॉल्फ बोरिसोविच मिंकस (१८७०-१९४८) यांची रचना निवडली गेली. २८ मे १९०५ रोजी बांधकामाला सुरुवात झाली आणि १९०६ मध्ये ते पूर्ण झाले.
या वास्तूत अनेक स्थापत्यशैलींचे मिश्रण असून, येथून डनिप्रो नदीचे दृश्य दिसते. ह्याचे वर्णन एक "भव्य शाही इमारत" म्हणुन होते.[६]
संग्रह
[संपादन]
२०२२ पर्यंत, संग्रहालयात १४,००० पेक्षा जास्त कलाकृतींचा समावेश होता.[६] या संग्रहात युक्रेनियन आणि आंतरराष्ट्रीय कलाकारांच्या चित्रकला, ग्राफिक्स, शिल्पकला, सजावटीची आणि उपयोजित कला यांमधील कलाकृतींचा समावेश होता. ह्यामध्ये १७ व्या शतकातील रशियन आयकॉन चित्रकलेपासून ते आधुनिक खेर्सन कलाकारांच्या कलाकृतींपर्यंतचा समावेश होता. संग्रहाच्या तीन मुख्य विभागांमध्ये खालील गोष्टींचा समावेश होता:
- १७ व्या शतकापासून ते २० व्या शतकाच्या सुरुवातीपर्यंतची आयकॉन चित्रकला
- १८ व्या शतकाच्या पूर्वार्धापासून ते १९ व्या शतकाच्या पूर्वार्धापर्यंतची रशियन कला
- १९ व्या शतकाच्या उत्तरार्धातील आणि २० व्या शतकाच्या सुरुवातीच्या काळातील युक्रेनियन आणि रशियन कला.
२०२२ नंतर सद्यस्थिती
[संपादन]२०२२ मध्ये युक्रेनवर झालेल्या रशियन आक्रमणादरम्यान, खेर्सन शहर ताब्यात असताना रशियन सैनिकांनी संग्रहालयाची लूट केली. ३१ ऑक्टोबर २०२२ रोजी, युक्रेनियन सैन्याने शहर मुक्त करण्याच्या अगदी आधी, रशियन ट्रक संग्रहालयाबाहेर रांगेत उभे राहू लागले.[६] गणवेशधारी रशियन सैनिकांनी, रशियन संस्कृती मंत्रालयाचे प्रतिनिधी आणि साध्या वेशातील फेडरल सुरक्षा सेवेच्या अधिकाऱ्यांसोबत "जवळजवळ १५,००० कलाकृती निष्काळजीपणे ट्रक आणि बसमध्ये कोंबल्या" असे वृत प्रकशीत आहे.[९]
हा संग्रह रशियन-व्याप्त क्रिमियामधील सिम्फेरोपोल येथील टौरिडाच्या केंद्रीय संग्रहालयात हलवण्यात आला, जिथे पुतिन समर्थक सिम्फेरोपोल संग्रहालयाचे संचालक आंद्रेई माल्गिन [१०] यांनी सांगितले की कलाकृतींची सुरक्षितता सुनिश्चित करण्यासाठी हे स्थलांतर करण्यात आले. व्याप्त सिम्फेरोपोलमधील चित्रांमध्ये खेर्सन संग्रहातील अनेक कलाकृती ओळखण्यात आल्या आहेत, परंतु, फेब्रुवारी २०२३ पर्यंत, खेर्सन संग्रह त्याच्या संपूर्ण स्वरूपात एकत्र ठेवण्यात आला होता की नाही हे अद्याप ज्ञात नव्हते.[६]
खेर्रन पोलिसांनी ज्याला ते "युद्ध गुन्हा" म्हणतात त्या प्रकरणी तपास सुरू केला आहे. युक्रेनचे संस्कृती मंत्री ओलेक्झांडर टकाचेंको यांनी ५०० हून अधिक युक्रेनियन सांस्कृतिक वारसा स्थळांचा रशियाने हेतुपुरस्सर केलेला विध्वंस आणि लूटमार याला सांस्कृतिक नरसंहार म्हटले आहे.[९][३]
संदर्भ
[संपादन]- ↑ Pavlenko, Iryna (July 20, 2022). "Shovkunenko Regional Art Museum, in Kherson, Captured by Russian Occupiers - Kyiv Post - Ukraine's Global Voice". Kyiv Post.
- ↑ ""We don't have any provinciality complexes!" | The Day newspaper".
- 1 2 ""It's cultural genocide": Ukraine's Culture Minister trying to salvage the country's artifacts, Euronews, 13 September 2022
- ↑ "The War of Aggression Against Ukraine, Cultural Property and Genocide: Why it is Imperative to Take a Close Look at Cultural Property", Blog of the European Journal of International Law, 31 March 2022
- ↑ "Херсонський художній музей імені Олексія Шовкуненка", Вікіпедія (युक्रेनियन भाषेत), 2023-03-01, 2023-07-24 रोजी पाहिले
- 1 2 3 4 "Empty Kherson art museum in despair after entire collection stolen by Russia". The Kyiv Independent (इंग्रजी भाषेत). 2022-11-26. 2023-07-24 रोजी पाहिले.
- ↑ Shandra, Alya (January 27, 2023). "Take a look at the unique paintings Russia looted from the Kherson Art Museum". Euromaidan Press.
- ↑ Shandra, Alya (January 27, 2023). "Take a look at the unique paintings Russia looted from the Kherson Art Museum". Euromaidan Press.
- 1 2 "Before Retreating From Kherson, Russian Troops Emptied One of Ukraine’s Top Museums of Nearly 15,000 Objects", artnet news, 14 November 2022
- ↑ Bailey, Martin (2023-02-01). "Special investigation: Serious concerns over fate of Ukraine's museum works taken by Russians". The Art Newspaper - International art news and events. 2023-07-24 रोजी पाहिले.