ओमर बाँगो

ओमर बॉंगो
	ओमर बॉंगो
	गॅबनचा दुसरा राष्ट्राध्यक्ष
	कार्यकाळ; २ डिसेंबर १९६७ – ८ जून २००९
मागील	लिओन एम्बा
पुढील	अली बॉंगो ओंडिंबा
जन्म	३० डिसेंबर १९३५; लेवाई, फ्रेंच विषुववृत्तीय आफ्रिका (आजचा गॅबन)
मृत्यू	८ जून, २००९ (वय ७३); बार्सिलोना, स्पेन
धर्म	सुन्नी इस्लाम

ओमर बॉंगो (इंग्लिश: El Hadj Omar Bongo Ondimba; ३० डिसेंबर १९३५ –८ जून २००९) हा गॅबन देशातील एक राजकारणी व देशाचा दुसरा राष्ट्राध्यक्ष होता. १९६७ ते मृत्यूपर्यंत २००९ पर्यंत ४१ वर्षांहून अधिक काळ राष्ट्राध्यक्षपदावर राहणारा बॉंगो जगातील सर्वाधिक काळ सत्तेवर राहिलेल्या राष्ट्रप्रमुखांपैकी एक आहे.

गॅबनमधील खनिज तेल व इतर नैसर्गिक संपत्तीमुळे बॉंगोच्या कार्यकाळात गॅबनची भरभराट झाली परंतु त्यामधील मोजकाच निधी जनतेपर्यंत पोचला. बॉंगो व त्याच्या कुटुंबियांनी कोट्यावधी रुपयांची अफरातफर केल्याचे आरोप त्याच्यावर झाले होते. बॉंगोचे फ्रान्ससोबत विशेष जवळीकीचे संबंध होते.

८ जून २००९ रोजी बार्सिलोना येथे बॉंगोचे कर्करोगाने निधन झाले. त्याचा मुलगा अली बॉंगो ओंडिंबा हा गॅबनचा विद्यमान राष्ट्राध्यक्ष आहे.

बाह्य दुवे[संपादन]

व्यक्तिचित्र