इंग्लिश विंग्लिश

विकिपीडिया, मुक्‍त ज्ञानकोशातून
Jump to navigation Jump to search
इंग्लिश विंग्लिश
दिग्दर्शन गौरी शिंदे
निर्मिती सुनील लुल्ला
राकेश झुनझुनवाला
कथा गौरी शिंदे
प्रमुख कलाकार श्रीदेवी
मेहदी नेब्बू
आदिल हुसेन
प्रिया आनंद
संगीत अमित त्रिवेदी
देश भारत
भाषा हिंदी
प्रदर्शित ५ ऑक्टोबर २०१२
अवधी १३३ मिनिटे
निर्मिती खर्च ₹१५ कोटी
एकूण उत्पन्न ₹१२० कोटी


श्रीदेवीने आपला १५ वर्षांचा संन्यास मोडून इंग्लिश विंग्लिश द्वारे बॉलीवूडमध्ये पुनरागमन केले.

इंग्लिश विंग्लिश हा २०१२ साली प्रदर्शित झालेला एक भारतीय हिंदी चित्रपट आहे. गौरी शिंदेने दिग्दर्शन केलेल्या ह्या चित्रपटामध्ये श्रीदेवीची प्रमुख भूमिका आहे. इंग्लिश विंग्लिशद्वारे श्रीदेवीने तब्बल १५ वर्षांनंतर रुपेरी पडद्यावर पुनरागमन केले. हा चित्रपट बॉक्स ऑफिसवर प्रचंड यशस्वी ठरला व त्याला अनेक पुरस्कार मिळाले. श्रीदेवीच्या अभिनयाचे समस्त टीकाकारांनी भरभरून कौतुक केले.

कथानक[संपादन]

शशी गोडबोले (श्रीदेवी) ही एक गृहिणी आहे जिला इंग्लिश भाषा बोलता येत नाही. ह्यावरून नवरा व मुलीद्वारे कायम खिल्ली उडवली जात असलेली व उपेक्षा सहन करत राहणारी शशी काहीशी निराश झाली आहे. आपल्या मोठ्या बहिणीच्या मुलीच्या लग्नासाठी शशी अमेरिकेच्या न्यू यॉर्क शहरात जाते. इंग्लिश येत नसल्यामुळे न्यू यॉर्कमध्ये शशीची तारांबळ उडते. परंतु डगमगून न जाता शशी गुप्तपणे एका इंग्लिश कोर्समध्ये प्रवेश घेते. ह्या प्रशिक्षण वर्गात तिला अनेक देशांमधून आलेले विविध लोक भेटतात ज्यांच्यासोबत शशीची चांगली मैत्री होते. चार आठवड्यात शशीला इंग्लिशवर चांगलेच प्रभुत्व येते व ती प्रशिक्षकाची आवडती विद्यार्थिनी बनते. शशी अनेक इंग्लिश चित्रपट पाहते व इंग्लिश बोलण्याचा सराव चालूच ठेवते. अशा प्रकारे शशी आपला हरवलेला आत्मविश्वास देखील परत मिळवते.

भाचीच्या लग्नादरम्यान शशी नवदांपत्याला उद्देशून इंग्लिशमध्ये एक सुरेख भाषण देते जे ऐकुन शशीचा नवरा व मुलीसह सर्व उपस्थित थक्क होतात. नवऱ्याला शशीसोबत उपेक्षेने वागल्याचा पश्चाताप होतो व सर्व कुटुंब आनंदाने भारतात परतते.

पुरस्कार[संपादन]

बाह्य दुवे[संपादन]