आग्रा मेट्रो

आग्रा मेट्रो
मालकी हक्क	उत्तरप्रदेश मेट्रो रेल कॉर्पोरेशन लिमिटेड
स्थान	आग्रा, उत्तरप्रदेश
वाहतूक प्रकार	जलद वाहतूक
मार्ग	२
मार्ग लांबी	२९.६५ कि.मी.
एकुण स्थानके	२७
सेवेस आरंभ	६ मार्च २०२४
मार्ग नकाशा

आग्रा मेट्रो ही भारतातील उत्तर प्रदेशातील आग्रा येथील एक जलद वाहतूक व्यवस्था आहे. ही मेट्रो प्रणाली उत्तर प्रदेश मेट्रो रेल कॉर्पोरेशन (UPMRC) च्या मालकीची आणि याच संस्थे द्वारे चालवली जाते. यामध्ये एकूण २९.६५ किलोमीटर (१८.४२ मैल) लांबीच्या आणि २७ स्थानके असलेल्या दोन मेट्रो मार्गिका असतील. आग्रा मेट्रो ही उत्तर प्रदेशातील पाच जलद वाहतूक प्रणालींपैकी एक आहेआहेत. लखनौ मेट्रो, मेरठ मेट्रो, कानपूर मेट्रो आणि नोएडा मेट्रो हे ह्या राज्यातील इतर मेट्रो प्रकल्प आहेत.

आग्रा मेट्रो आणि ताजमहाल

इतिहास

जुलै २०१६ मध्ये, राईट्सने प्रकल्प अहवाल बनवून राज्य सरकारला दिले होता.

२८ फेब्रुवारी २०१९ रोजी, केंद्रीय मंत्रिमंडळाने आग्रा येथील ८३७९.६२ कोटीच्या मेट्रो प्रकल्पाला मंजुरी दिली.

६ मार्च २०२४ रोजी पंतप्रधान नरेंद्र मोदी यांनी आग्रा मेट्रो प्रकल्पाच्या पहिल्या भागाचे उद्घाटन केले.

मार्गांचे जाळे

पहिला टप्पा

मनकामेश्वर मंदिर मेट्रो स्टेशन

पहिल्या टप्प्यात, सिकंदरा ते ताज ईस्ट गेट पर्यंतच्या पिवळ्या मार्गिकेवर (मार्गिका १) १४ मेट्रो स्टेशन बांधले जातील आणि आग्रा छावणी रेल्वे स्थानक ते कालिंदी विहार पर्यंतच्या निळ्या मार्गिकेवर (मार्गिका २) १५ मेट्रो स्थानके बांधले जातील.

मार्गिकेचे नाव	अंत्यस्थानाक		लांबी	अंत्यस्थानाक
पिवळी मार्गिका	सिकंदरा	ताज पूर्व द्वार	१४.२७ किमी	१३
निळी मार्गिका	आग्रा छावणी	कालिंदी विहार	१५.४० किमी	१५
एकूण			२९.६७ किमी	२८

सध्याचे टप्पे

पहिला टप्पा
मार्गिकेचे नाव	अंत्यस्थानाक		लांबी	अंत्यस्थानाक	उघडण्याची तारीख
यलो लाइन	सिकंदरा	मनकामेश्वर देऊळ	९.०७ किमी	७	बांधकाम सुरू आहे
	मनकामेश्वर	ताज पूर्व गेट	६ किमी	६	६ मार्च २०२४
निळी मार्गिका	आग्रा कॅन्ट	कालिंदी विहार	१५.४० किमी	१५	बांधकाम सुरू आहे
एकूण			२९.६७ किमी	२८

सद्य जाळे

आग्रा मेट्रो
मार्गिकेचे नाव	पहिल्यांदा क्रियात्मक	शेवटचा विस्तार	स्थानके	लांबी	अंत्यस्थानाक		चलसंच	रुळांची रुंदी	विद्युतीकरण
पिवळी मार्गिका	६ मार्च २०२४		६	५.२ किमी	मनकामेश्वर मंदिर	ताज पूर्व गेट	अल्स्टॉम मूव्हीया	1,435 मिमी	७५० व्होल्ट डीसी वही रूळ

चालसंच

ताजमहाल मेट्रो स्थानक

आग्रा मेट्रोचे अंतर्गत दृश्य

२०२० मध्ये, बॉम्बार्डियर ट्रान्सपोर्टेशनने चालसंच (rolling stock) आणि संदेशाने प्रणाली पुरवण्याचे कंत्राट जिंकले आणि प्रकल्पाला सर्वोच्च न्यायालयाकडून सशर्त मंजुरी मिळाली. तथापि, करार रद्द करण्यात आला आणि यलो लाईनसाठी चालसंच पुरवण्यासाठी अल्स्टॉमची निवड करण्यात आली. हा चालसंच अल्स्टॉम मोव्हिया कुटुंबातील आहे आणि कानपूर मेट्रोवर चालणाऱ्या गाड्यांसारखा दिसतो. ६ मार्च २०२३ रोजी, गुजरातमधील सावली येथील अल्स्टॉमच्या उत्पादन सुविधेतून यलो लाइनच्या ताज स्टेशनवर कोचचा पहिला संच पोहोचला.

हे देखील बघा

• भारतातील शहरी रेल्वे वाहतूक
  • उत्तर प्रदेश मेट्रो रेल कॉर्पोरेशन
    • लखनऊ मेट्रो
    • कानपूर मेट्रो
    • मेरठ मेट्रो
    • दिल्ली मेरठ आरआरटीएस