आंझियो

आंझियो

comune of Italy

ह्याचा भाग	Province of Rome
अधिकृत नाव	Anzio
मूळ लेबल	Anzio
IPA transcription	ˈantsjo
Demonym	anziati, portodanzesi
अधिकृत भाषा	इटालियन भाषा
देश	इटली
राजधानी	Anzio
या राजकीय व प्रशासकीय सीमांतर्गत असणारे स्थान	città metropolitana di Roma Capitale
भौगोलिक गुणक	४१°२६′५०″N १२°३७′४२″E
अति-पूर्वेकडील बिंदूचे गुणक	४१°२८′४९″N १२°३९′१″E
अति-उत्तरेकडील बिंदूचे गुणक	४१°३२′४१″N १२°३७′१″E
अति-दक्षिणेकडील बिंदूचे गुणक	४१°२६′३४″N १२°३८′१६″E
अति-पश्चिमेकडील बिंदूचे गुणक	४१°३२′६″N १२°३३′६″E
जुळे शहर	Bad Pyrmont, Heemstede, ब्रूकलिन, Paphos Municipality
सीमा सामायिक करणे	Aprilia, Ardea, Nettuno
डाक संकेतांक	00042
अधिकृत संकेतस्थळ	https://www.comune.anzio.roma.it/
Patron saint	Anthony of Padua
Seismic classification	3A
स्थानिक दूरध्वनी कोड	06
परवाना पाटी संकेत (नंबरप्लेट)	ROMA
Category for maps or plans	Category:Maps of Anzio

 

 From Wikidata

आंझियो' हे मध्य इटलीमधील लात्सियो प्रदेशातील एक ऐतिहासिक शहर आणि बंदर आहे. हे शहर देशाची राजधानी रोमपासून साधारणपणे ५१ किलोमीटर दक्षिणेला भूमध्य समुद्राच्या किनाऱ्यावर वसलेले आहे. हे शहर आपल्या निळ्याशार समुद्र, मासेमारी आणि ऐतिहासिक महत्त्वासाठी जगभरात प्रसिद्ध आहे.

प्राचीन इतिहास

प्राचीन काळी हे शहर अँटियम या नावाने ओळखले जाई. हे व्होल्स्की लोकांची राजधानी होती, जी पुढे रोमन साम्राज्यात विलीन झाली.

आंझियो हे रोमन सम्राट कॅलिगुला आणि नीरो यांचे जन्मस्थान आहे. सम्राट नीरोने समुद्राच्या काठी एक भव्य महाल बांधला होता. याचे अवशेष आजही पर्यटकांचे आकर्षण आहेत. हे शहर प्राचीन रोममधील खानदानी लोकांसाठी उन्हाळी सुट्टी घालवण्याचे आवडते ठिकाण होते.

दुसरे महायुद्ध: ऑपरेशन शिंगल

दुसऱ्या महायुद्धा दरम्यान २२ जानेवारी १९४४ रोजी दोस्त राष्ट्रांनी जर्मन सैन्याला हुलकावणी देण्यासाठी ऑपरेशन शिंगल या सांकेतिक नावाखाली आंझियोच्या किनाऱ्यावर मोठे लष्करी आक्रमण केले होते. या लढाईत हजारो सैनिक मारले गेले. या घटनेच्या स्मृतीप्रित्यर्थ शहरात आंझियो बीचहेड म्युझियम आणि सैनिकांची इतर स्मारके उभारण्यात आली आहेत.

पर्यटन आणि आकर्षणे

आंझियो हे इटलीमधील एक प्रमुख पर्यटन स्थळ आहे.

1. आंझियो बंदर -- शहराचा मध्यवर्ती भागात असलेल्या या बंदरातून पाँटिन बेटांकडे बोटी जातात. येथील समुद्री खाद्यपदार्थ विकणारी रेस्टॉरंट्स खूप प्रसिद्ध आहेत.
2. पुरातत्व उद्यान -- सम्राट नीरोच्या महालाचे अवशेष आणि प्राचीन रोमन नाट्यगृह येथे आहेत.
3. समुद्रकिनारे -- आंझियोला त्याच्या स्वच्छ पाण्यासाठी अनेकदा ब्लू फ्लॅग मानांकन मिळाले आहे. ग्रॉत्तो दि नेरोने जवळचा समुद्रकिनारा पर्यटकांमध्ये विशेष लोकप्रिय आहे.
4. तोर कालदारा निसर्ग राखीव क्षेत्र -- शहराच्या जवळच असलेले हे जंगल आणि गंधकयुक्त पाण्याचे झरे निसर्गप्रेमींसाठी उत्तम ठिकाण आहे.

भूगोल आणि हवामान

आंझियोचे हवामान भूमध्यसागरीय प्रकारचे आहे. येथीलउन्हाळा गरम आणि कोरडा असतो, तर हिवाळा सौम्य असतो. रोमपासून रेल्वेने अवघ्या एका तासात येथे पोहोचता येत असल्यामुळे रोममधील नागरिक सुट्टी घालवण्यासाठी मोठ्या संख्येने येथे येतात.

हे सुद्धा पहा

• रोम
• दुसरे महायुद्ध
• भूमध्य समुद्र

बाह्य दुवे

• आंझिओ नगरपालिकेचे अधिकृत संकेतस्थळ
• व्हिजिट लाझिओ - पर्यटन माहिती