अर्चना जोगळेकर

विकिपीडिया, मुक्‍त ज्ञानकोशातून
Jump to navigation Jump to search

अर्चना जोगळेकर ह्या एक मराठी, हिंदी, तामीळ, उडिया या भाषांतील चित्रपटांत काम करणाऱ्या मराठी अभिनेत्री आहेत. त्या एक उत्तम कथ्थक नृत्त्यांगना, चित्रपट दिग्दर्शक आणि निर्मात्याही आहेत. आशा जोगळेकर या त्यांच्या मातोश्री.

रेखीव चेहरा, सुडौल बांधा, बोलके डोळे आणि नृत्यातील सहजपणा हे त्यांचे विशेष गुण असून त्यामुळे त्यांनी मराठी तसेच हिंदी चित्रपटसृष्टीमध्ये उत्तम स्थान मिळविले आहे.

इतिहास[संपादन]

आशा जोगळेकर यांनी कथ्थक या नृत्यप्रकाराचे शिक्षण देणार्‍या ’अर्चना नृत्यालय’ या संस्थेची स्थापना १५ ऑगस्ट १९६३ रोजी चंद्रपूर या गावी अवघ्या एका विद्यार्थिनीला घेऊन केली. पुढच्या ४० वर्षांमध्ये नृत्यालयाच्या अंधेरी आणि दादर या शाखांत विद्यार्थिनींची संख्या १५०वर गेली.

नृत्यालयाने २००३ साली एक शाखा अमेरिकेतील प्रिन्स्टन (न्यू जर्सी) येथे काढली आणि तेथील काम आपली कन्या आणि अभिनेत्री अर्चना जोगळेकर यांच्यावर सोपवली. अर्चना जोगळकर लग्नानंतर अमेरिकेत स्थिरस्थावर झाल्या.

नृत्यालयांची प्रगती[संपादन]

’अर्चना नृत्यालया’तील अनेक विद्यार्थिनींना भारत सरकारची ’कल्चरल टॅलेंट’ ही शिष्यवृत्ती मिळाली. अनेक मुली नृत्यस्पर्धांत पारितोषिके मिळवतात. अखिल भारतीय गांधर्व महाविद्यालयाच्या परीक्षांसाठी ’अर्चना नृत्यालय’ मुलींची तयारी करून घेते. अनेक मुली नृत्य अलंकार, नृत्य विशारद या परीक्षा देऊन आपली गुणवत्ता सिद्ध करतात.

बाल कलाकार संगीत संमेलन[संपादन]

’अर्चना नृत्यालया’तर्फे मुंबईत दरवर्षी अभिजात नृत्य, गायन वादन या कलांमध्ये उपजतच रस असलेल्या लहान मुलांमुलींना प्रोत्साहन देण्याच्या उद्देशाने ’बाल कलाकार संगीत संमेलन’ आयोजित करण्यात येते.

अर्चना जोगळेकर यांची भूमिका असलेले चित्रपट[संपादन]

  • अपेक्षित (मराठी)
  • आग से खेलेंग (हिंदी) (१९९८)
  • आतंक ही आतंक (१९९५)
  • निवडुंग (मराठी)
  • बात है प्यार की (हिंदी) (१९९१)
  • मर्दानगी (मराठी) (१९८८)
  • मॅरिड टु अमेरिका (२०१२)
  • मोगामुल (तामीळ) (१९९४)
  • रंगत संगत (मराठी) (१९८८)
  • संसार (मराठी) (१९८७)
  • सुना चढेई (उडिया) (१९८७)
  • स्त्री (उडिया) (१९९८)

अर्चना जोगळेकर यांची भूमिका असलेल्या दूरचित्रवाणी मालिका[संपादन]

  • अवघाची संसार (मराठी)
  • कर्मभूमी (हिंदी)
  • किस्सा शांति का (हिंदी)
  • चुनौती (हिंदी) (१९८७)
  • फूलवाली (हिंदी) (१९९२)
  • साम्राज्य (हिंदी)


Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.