आंभोरा (कुही)

आंभोरा येथील पाच नद्यांचा संगम

आंभोरा हे महाराष्ट्रातील नागपूर जिल्ह्यातील एक गाव आहे. हे गाव नागपूर जिल्ह्यातील कुही तालुक्यात येते. हे एक प्रसिद्ध तीर्थस्थळ असून वैनगंगा नदीच्या किनारी वसले आहे. हे ठिकाण वैनगंगा, कन्हान, आम, मुरझा आणि कोलारी या ५ नद्यांच्या संगमावर वसलेले आहे.

• हे अत्यंत सुंदर स्थळ असून येथे नेहमी पर्यटकांची वर्दळ असते.

येथून जवळच गोसेखुर्द धरण आहे.

• बहुचर्चित आशिया खंडातील सर्वात मोठा वाघ असल्याचा मान मिळालेला जय वाघ हा येथून जवळच असलेल्या उमरेड-कऱ्हांडला-पवनी अभयारण्यातच होता.

वैशिष्ट्ये

या ठिकाणचे वैशिष्ट्य म्हणजे या ठिकाणी असलेले चैतन्येश्वर मंदिर आणि येथील चैतन्येश्वर महादेवाची लिंगपिंड स्थापन केलेली नसून ती यज्ञातून स्वयंप्रकट झालेली आहे, असे सांगतात. येथेच श्री हरिनाथशिष्य रामचंद्र उर्फ रघुनाथ यांची जिवंतसमाधी आहे.

• काहींच्या मते, याच समाधीसमोर बसून मराठीचे आद्यकवी मुकुंदराज यांनी पवनामृत, पवनविजय हे ग्रंथ शा.श. १११० साली लिहिले.
  • मराठीचे आद्य कवी मुकुंदराज यांनी लिहिलेला मराठीचा आद्यग्रंथ विवेकसिंधू हा अंबेजोगाई या बीड जिल्ह्यातील गावी लिहिलेला आहे.