अंबादास दानवे

अंबादास एकनाथराव दानवे हे एक मराठी राजकारणी आहेत. ते शिवसेनेचे नेते असून महाराष्ट्र विधान परिषदेचे विरोधी पक्षनेते होते.

• ते औरंगाबाद - जालना स्थानिक प्राधिकरण मतदारसंघाचे प्रतिनिधित्व करणारे महाराष्ट्र विधान परिषदेचे सदस्य आहेत.

कारकीर्द

त्यांचे वडील एकनाथराव दानवे महाराष्ट्र राज्य मार्ग परिवहन महामंडळात नोकरी करत होते. त्यांच्या राजकीय कारकिर्दीची सुरुवात राष्ट्रीय स्वयंसेवक संघ (आरएसएस) व भारतीय जनता पक्ष येथून झाली.

२००० मध्ये, औरंगाबाद शहरातील अजबनगरमधून शिवसेनेचे उमेदवार म्हणून अंबादास दानवे यांनी महानगरपालिका निवडणूक जिंकली. २०१९ मध्ये, ते औरंगाबाद - जालना स्थानिक प्राधिकरण मतदारसंघाचे प्रतिनिधित्व करणारे महाराष्ट्र विधान परिषदेचे सदस्य म्हणून निवडून आले.

भूषवलेली पदे

वर्ष	पद	नोंदी
२०००	औरंगाबाद महानगरपालिकेचे नगरसेवक	औरंगाबाद शहरातील अजबनगर येथून शिवसेनेचे उमेदवार, सदस्य म्हणून निवडून आले.
२०११	औरंगाबाद जिल्हा प्रमुख	या संघटनात्मक पदावर नियुक्ती.
२०१९	महाराष्ट्र विधान परिषदेचे सदस्य	औरंगाबाद - जालना स्थानिक प्राधिकरण मतदारसंघातून निवडून आले.