जानेवारी ३०

जानेवारी ३० हा ग्रेगरी दिनदर्शिकेनुसार वर्षातील ३० वा किंवा लीप वर्षात ३० वा दिवस असतो.

ठळक घटना

सतरावे शतक

• १६४९ - इंग्लंडचा राजा चार्ल्स पहिल्याचा शिरच्छेद.
• १६६१ - ऑलिव्हर क्रॉमवेल, ज्याच्या राजवटीत चार्ल्स पहिल्याचा शिरच्छेद झाला, त्याचा स्वतःचा शिरच्छेद केला गेला. क्रॉमवेल २ वर्षांपूर्वीच मृत्यु पावला होता.

एकोणिसावे शतक

• १८३५ - रिचर्ड लॉरेन्स नावाच्या माथेफिरू माणसाने अमेरिकेचा अध्यक्ष अँड्र्यू जॅक्सनचा खून करण्याचा प्रयत्न केला. लॉरेन्सची दोन्ही पिस्तुले ऐनवेळी बिघडली. चिडलेल्या जॅक्सनने लॉरेन्सला काठीने मारून पळवून लावले.
• १८४७ - कॅलिफोर्नियातील येर्बा बॉयना गावाचे सान फ्रांसिस्को म्हणून पुनर्नामकरण.

विसावे शतक

• १९११ - जॅक्सन खून प्रकरणी स्वातंत्र्यवीर सावरकर यांना जन्मठेपेची शिक्षा.
• १९१३ - इंग्लंडच्या संसदेने आयरिश होमरूलचा ठराव नामंजूर केला.
• १९३३ - ऍडॉल्फ हिटलर जर्मनीच्या चान्सेलर(अध्यक्षपदी).
• १९४४ - दुसरे महायुद्ध - अमेरिकेच्या सैन्याने मजुरो, मार्शल द्वीप वर हल्ला केला.
• १९४५ - दुसरे महायुद्ध - गोटेनहाफेन, पोलंडहून जखमी जर्मन सैनिक व बेघर लोकांना घेउन कियेलला निघालेले जहाज विल्हेम गुस्टलॉफ रशियन पाणबुडीने बुडवले. अंदाजे ९,४०० ठार.
• १९४८ - नथुराम गोडसेने महात्मा गांधींचा पिस्तुलाने खून केला.
• १९४८ - पाचवे हिवाळी ऑलिम्पिक खेळ सेंट मॉरिट्झ, स्वित्झरलंड येथे सुरू.
• १९६८ - व्हियेतनाम युद्ध - टेटचा हल्ला सुरू.
• १९७२ - ब्रिटीश सैनिकांनी उत्तर आयर्लंडमध्ये १४ निदर्शकांना गोळ्या घातल्या.
• १९७२ - पाकिस्तानने ब्रिटीश राष्ट्रकुलातून अंग काढून घेतले.
• १९७९ - टोक्योहून निघालेले व्हारिग एरलाइन्सचे बोईंग ७०७-३२३सी जातीचे विमान नाहीसे झाले.
• १९८९ - अमेरिकेने अफगाणिस्तानमधील आपला राजदूतावास बंद केला.
• १९९४ - पीटर लोको बुद्धिबळातील सगळ्यात लहान ग्रॅंडमास्टर झाला.

एकविसावे शतक

• २००० - केन्या एरवेझ फ्लाइट ४३१ हे एरबस ए३१० जातीचे विमान कोटे द'आयव्हार जवळ अटलांटिक महासागरात कोसळले. १६९ ठार.
• २००२ - भारतातील गरीब मुलांवर जवळजवळ ५७ हजार प्लॅस्टिक सर्जरी करणारे अनिवासी भारतीय डॉक्टर शरदकुमार दीक्षित यांना एनआरआय ऑफ द इयर २००१ हा पुरस्कार जाहीर.
• २००५ - १९५३ नंतर इराकमध्ये पहिल्यांदा राष्ट्रीय निवडणुका.

जन्म

• १३३ - मार्कस सेव्हेरस डिडियस ज्युलियानस, रोमन सम्राट.
• १८५३ - लेलॅंड होन, इंग्लिश क्रिकेट खेळाडू.
• १८८२ - फ्रॅंकलिन डिलानो रूझवेल्ट, अमेरिकन अध्यक्ष.
• १८९४ - बोरिस तिसरा, बल्गेरियाचा राजा.
• १९१० - चिदंबरम् सुब्रमण्यम्, भारतीय राजकारणी.
• १९१३ - डिकी फुलर, वेस्ट ईंडीझचा क्रिकेट खेळाडू.
• १९२७ - ओलोफ पाल्मे, स्वीडनचा पंतप्रधान.
• १९२९ - ह्यु टेफिल्ड, दक्षिण आफ्रिकेचा क्रिकेट खेळाडू.
• १९३७ - बोरिस स्पास्की, रशियन बुद्धिबळपटू.
• १९३९ - अलेहांद्रो टोलेडो, पेरूचा राष्ट्राध्यक्ष.
• १९४१ - रिचर्ड चेनी, अमेरिकेचा उपराष्ट्राध्यक्ष.
• १९४२ - डेव्हिड ब्राउन, इंग्लिश क्रिकेट खेळाडू.
• १९५१ - ट्रेव्हर लाफलिन, ऑस्ट्रेलियन क्रिकेट खेळाडू.
• १९६१ - रणजित मदुरासिंघे, श्रीलंकेचा क्रिकेट खेळाडू.
• १९६२ - अब्दुल्ला दुसरा, जॉर्डनचा राजा.

मृत्यू

• ११८१ - टाकाकुरा, जपानी सम्राट.
• १६४९ - चार्ल्स पहिला, इंग्लंडचा राजा.
• १८६७ - कोमेइ, जपानी सम्राट.
• १९४८ - महात्मा गांधी.
• १९४८ - ऑर्व्हिल राइट, अमेरिकन विमानतंत्रज्ञ.
• १९९६ - गोविंदराव पटवर्धन, हार्मोनियम व ऑर्गन वादक.
• २००० - आचार्य जनार्दन हरी चिंचाळकर, मानववंशशास्त्रज्ञ व सामाजिक कार्यकर्ते.
• २००१ - प्रा. वसंत कानेटकर, ज्येष्ठ नाटककार.
• २००४ - रमेश अणावकर, प्रसिद्ध गीतकार.

प्रतिवार्षिक पालन

• शहीद दिन - भारत.

बाह्य दुवे

• बीबीसी न्यूजवर जानेवारी ३० च्या विशेष घटना (इंग्रजी मजकूर)

---

जानेवारी २८ - जानेवारी २९ - जानेवारी ३० - जानेवारी ३१ - फेब्रुवारी १ - (जानेवारी महिना)

---