२०१० क्युबा विमान दुर्घटना

विकिपीडिया, मुक्‍त ज्ञानकोशातून
२०१० क्युबा विमान दुर्घटना

दुर्घटनाग्रस्त विमानासारखेच दुसरे एक विमान.
अपघात सारांश
तारीख नोव्हेंबर ४, २०१०
प्रकार अन्वेषणाधीन
स्थळ
21°44′39″N 79°28′16″W / 21.744194, -79.470978
प्रवासी ६१
कर्मचारी
जखमी
मृत्यू ६८ (सगळे)
बचावले
विमान प्रकार ए.टी.आर. ७२-२१२
वाहतूक कंपनी एरो कॅरिबियन
विमानाचा शेपूटक्रमांक सी.यु.-टी१५४९
पासून तूसैं लूव्हर्चर आंतरराष्ट्रीय विमानतळ, पोर्ट औ प्रिन्स, हैती
शेवट होजे मार्टी आंतरराष्ट्रीय विमानतळ, हवाना, क्युबा

एरो कॅरिबियन फ्लाइट ८८३ हे एरो कॅरिबीयन या विमानसेवेचे विमान नोव्हेंबर ४ इ.स. २०१० रोजी दुर्घटनाग्रस्त होउन त्यातील सर्व, ६१ प्रवासी व चालकदलाचे ७ सदस्य यांचा मृत्यू झाला. ही हैती येथील पोर्ट औ प्रिन्स ते सेंटियागो डि क्युबा मार्गे क्युबामधील हवाना येथे जाणारी नियमित आंतरराष्ट्रीय प्रवासी विमानसेवा होती.उड्डाणादरम्यान एटीआर-७२-२१२ प्रकारचे हे विमान सेंट्रल क्युबन प्रॉव्हींस क्युबा मध्ये दुर्घटनाग्रस्त झाले.या विमानात असणारे सर्व,७ चालकदल सदस्यासहीत ६१ प्रवासी ठार झालेत.एटीआर-७२ या जातीच्या विमानांच्या अपघातापैकी हा सर्वात वाईट, तर आजवर क्युबामध्ये झालेल्या विमान अपघातांमध्ये तीसर्‍या क्रमाचा वाईट अपघात आहे.

विमान[संपादन]

सीयु-टी१५४९ म्हणुन नोंदविलेले एटीआर-७२ जातीचे हे विमान[१] एरो कॅरिबियनमध्ये ऑक्टोबर २००६पासुन कार्यरत होते.[२] हे विमान 'कॉन्टीनेन्टल एक्सप्रेस'या विमानकंपनीने १९९५मध्ये विकत घेतले होते. एरो कॅरिबीयन ही विमानसेवा कंपनी त्यास २००६ मध्ये विकत घेणारी त्याची तिसरी मालक होती.[२]. उत्पादकानुसार या विमानाने सुमारे २५,००० विमानोड्डाणतासात ३४,५०० उड्डाणे केली होती.[१] एरो कॅरिबीयन क्युबाच्या सरकारच्या पूर्ण मालकीची कंपनी आहे.[३]

अपघात[संपादन]

हे विमान हैती येथील पोर्ट औ प्रिन्स[४] येथुन निघाले. ते सेंटियागो डि क्युबा मार्गे क्युबामधील हवाना येथे जाण्यासाठी दुपारी सुमारे ४:५०ला (स्थानिक वेळ)(20:50-आंतरराष्ट्रीय वेळ).[५] ला निघाले.'हरिकेन टॉमस' या नावाच्या वादळाच्या येण्याच्या संभाव्य सुचनेमुळे बंद करण्यापूर्वी,सेंटियागो डि क्युबा येथील विमानतळावरुन निघणारे, त्यादिवशीचे ते शेवटचे विमान होते.[६]

अपघातापूर्वी आणीबाणीचा संदेश देउन, हवानाच्या आग्नेय दिशेस,३३६ कि.मी.अंतरावर असणाऱ्या,ग्वासीमल या शहराजवळ,सुमारे ५:४२ला ते जमिनीवर धडकले.[५] एका प्रत्यक्षदर्शीनुसार,या विमानाने दाट झाडी असलेल्या ठिकाणी खाली पडण्यापूर्वी,अनेक वेड्यावाकड्या हालचाली केल्यात.[१] ग्वासीमल येथील आरोग्यसेवेस जखमींवर उपचारासाठी सतर्कतेची सुचना देण्यात आली होती, परंतु, मध्यरात्रीनंतर,अपघातात कोणीही वाचु न शकल्यामुळे, ती सुचना परत घेण्यात आली.[१] एटीआर-७२ या जातीच्या विमानांच्या अपघातापैकी हा सर्वात वाईट, तर आजवर क्युबामध्ये झालेल्या विमान अपघातांमध्ये तीसर्‍या क्रमाचा वाईट अपघात आहे.[२] सन १९८९ मध्ये, ३ सप्टेंबर ला क्युबाना डि एव्हीयाशनच्या एका विमानापघातानंतर, १७१ व्यक्ति ठार झाल्या होत्या,[७], व २७ मे १९७७ ला आणखी एका अपघातात,६९ व्यक्ति दगावल्या होत्या.[८].

शोधमोहिम व बचावकार्य[संपादन]

बचावदलास अपघातस्थळी पोचण्यास, मार्गातील दाट झाडी बुलडोझरने रातोरात साफ करावी लागली.अधिकाऱ्यांनी अपघातस्थळास गराडा घातला व वृत्तसंकलकांना तेथे जाण्यास मज्जाव केला.विमान कोसळण्याने व स्फोटामुळे पूर्णपणे नष्ट झाले होते व प्रवाश्यांचे देह वाईटरित्या जळले होते.अपघाताच्या अनेक तासानंतरही विमानाचे अवशेष जळत होते.[९] सापडलेले मृतदेह हे क्युबाच्या न्यायवैद्यक संस्थेत ओळखण्यासाठी पाठविले जाणार आहेत.[१]. दुसऱ्या दिवशी म्हणजे ५ नोव्हेंबरला, बचावदलाने फ्लाइट डाटा व कॉकपिट व्हाईस रेकॉर्डर सापडविला.तो अन्वेषकांना सोपविण्यात आला.त्याने हे कळु शकेल कि,दोन टर्बो इंजिने असलेले हे विमान उड्डाणादरम्यान आकाशातुन कां कोसळले व ज्वालांच्या भक्षस्थानी पडले.[१].

प्रवासी व चालकदल[संपादन]

या विमानातील चालकदल व प्रवासी वेगवेगळ्या देशांचे होते.

राष्ट्रीयत्व चालकदल प्रवासी एकुण
क्युबा क्युबा [१] ३३[१] ४०
आर्जेन्टिना आर्जेंटिना - [१०]
मेक्सिको मेक्सिको - [११]
नेदरलँड्स डच - [१२]
ऑस्ट्रिया ऑस्ट्रिया - [१३]
जर्मनी जर्मनी - [१३]
फ्रान्स फ्रेंच - [१३]
इटली ईटली - [१३]
जपान जपान - [४]
स्पेन स्पेन - [१३]
व्हेनेझुएला व्हेनेझुएला - [१३]
एकुण ६१ ६८

अन्वेषण[संपादन]

'इंस्टिट्युटो डि एरोनॉटिका सिव्हिल डि क्युबा' ही क्युबामधील विमान अपघातांचे अन्वेषण करणारी संस्था आहे.एटीआर विमान कंपनी व फ्रांसचे 'नागरी विमानन अपघात सुरक्षा चौकशी व पृथक्करण ब्युरो' हे सरकारी खाते यात मदत करेल.[१४][१५]

प्रतिक्रिया[संपादन]

  • आर्जेंटिनाचे राष्ट्राध्यक्ष Cristina Fernández यांनी मृतांच्या नातेवाईकांना घेउन एक विमान पाठविले.ते मृतांना घेउन परत आले.[१]
  • स्पेनचे प्रधानमंत्री José Luis Rodríguez Zapatero यांनी आपल्या संवेदना कळविल्या.[१]
  • दक्षिण आफ्रिकेचे राष्ट्राध्यक्ष झुमा यांनी क्युबा विमान अपघाताबद्दल आपल्या संवेदना कळविल्या.[१६]

संदर्भ[संपादन]

संदर्भ आणि नोंदी[संपादन]

  1. १.० १.१ १.२ १.३ १.४ १.५ १.६ १.७ १.८ १.९ क्युबामध्ये ६८ प्रवासी असलेले विमान दुर्घटनाग्रस्त झाल्याचे सांगीतले जाते.(इंग्लिश मजकूर). Reuters. 5 November 2010 रोजी पाहिले.
  2. २.० २.१ अपघाताचे वर्णन (इंग्लिश मजकूर). 5 November 2010 रोजी पाहिले.
  3. फ्लाइट इंटरनॅशनल 27 March 2007
  4. ४.० ४.१ प्रवासी विमान क्युबात कोसळले (इंग्लिश मजकूर). BBC News Online. 5 November 2010 रोजी पाहिले.
  5. ५.० ५.१ ६८ लोकांसह विमान क्युबात कोसळल्याचे सांगीतल्या जाते.. New York Times. 5 November 2010 रोजी पाहिले.
  6. Hradecky, Simon. अपघातःआणीबाणीचा संदेश देउन विमान क्युबात कोसळले. The Aviation Herald. 5 November 2010 रोजी पाहिले.
  7. अपघात वर्णन (इंग्लिश मजकूर). The Aviation Herald. 5 November 2010 रोजी पाहिले.
  8. अपघात वर्णन (इंग्लिश मजकूर). Aviation Safety Network. 5 November 2010 रोजी पाहिले.
  9. क्युबातील विमान अपघातात ६८ मृत्युमुखी (इंग्लिश मजकूर). The New York Times. 6 November 2010 रोजी पाहिले.
  10. Accidente aéreo en Cuba: estiman que hay 9 argentinos entre los pasajeros. La Nación. 5 November 2010 रोजी पाहिले. (स्पॅनिश मजकूर मजकूर)
  11. Пассажирами разбившегося на Кубе самолета были граждане 11 стран. Lenta. 5 November 2010 रोजी पाहिले. (रशियन मजकूर मजकूर)
  12. 3 Nederlanders dood bij crash Cuba. Nederlandse Omroep Stichting. 5 November 2010 रोजी पाहिले. (डच मजकूर मजकूर)
  13. १३.० १३.१ १३.२ १३.३ १३.४ १३.५ Relación de fallecidos en el accidente de la aeronave ATR-72-212. Juventud Revelde. 5 November 2010 रोजी पाहिले. (स्पॅनिश मजकूर मजकूर)
  14. एटीआर विमान कंपनीचे एरो कॅरिबियन उड्डाण क्र.८८३ बद्दलचे निवेदन. ATR. 5 November 2010 रोजी पाहिले.
  15. उड्डाण क्र.८८३ ४ नोव्हेंबर २०१० एटीआर-७२-२१२ नोंदणी-सीयु-टी१५४९. Bureau d'Enquêtes et d'Analyses pour la Sécurité de l'Aviation Civile. 5 November 2010 रोजी पाहिले.
  16. "[१]." BuaNews. November 5, 2010. Retrieved on November 5, 2010.


Wiki letter w.svg
कृपया या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.