सतीश आळेकर

विकिपीडिया, मुक्‍त ज्ञानकोशातून
(सतीश वसंत आळेकर या पानावरून पुनर्निर्देशित)
सतीश आळेकर
जन्म ३० जानेवारी, १९४९ (1949-01-30) (वय: ७५)
दिल्ली
राष्ट्रीयत्व भारतीय
नागरिकत्व भारतीय
पेशा नाट्यलेखन, नाट्यसंस्था उभारणी आणि नाट्यप्रशिक्षण
पुरस्कार पद्मश्री पुरस्कार

सतीश वसंत आळेकर (जन्म: दिल्ली, ३० जानेवारी, १९४९) हे मराठी नाटककार आहेत.[ संदर्भ हवा ]

जीवन[संपादन]

आळेकरांची आई म्हणजे न.वि. गाडगीळ यांची कन्या. आळेकरांचा वाडा पुण्यातील शनिवार पेठेत काकासाहेब गाडगीळांच्या वाड्यापासून हाकेच्या अंतरावर होता. आळेकरांचे शिक्षण महाराष्ट्रातील पुण्यात झाले. इ.स. १९७२ साली ते पुणे विद्यापीठातून बायोकेमिस्ट्री हा विषय घेऊन एम.एस्‌सी. झाले. तत्पूर्वी फर्ग्युसन कॉलेजमधून ते बी.एस्‌सी. झाले होते.[ संदर्भ हवा ]

शाळेत सर्वसाधारण विद्यार्थी असलेले सतीश आळेकर वैद्यकीय महाविद्यालयात प्रवेश मिळवू शकले नाहीत, परंतु त्यांचे मामा काकासाहेब गाडगीळ यांच्यामुळे काँग्रेस, साधना कार्यालयाजवळ घर असल्याने राष्ट्र सेवा दल आणि शेजारेच मोतीबाग असल्याने संघविचार असे सर्वसमावेशक संस्कार त्यांच्यावर झाले.[ संदर्भ हवा ]

शाळकरी वयात 'शांतता! कोर्ट चालू आहे’चा प्रयोग आळेकरांनी पाहिला आणि ते भारावून गेले. एका नाट्यप्रयोगाचा इतका खोल परिणाम होऊ शकतो, हे त्यांना नवीनच होते. आळेकरांनी नाटकांबद्दल गांभीर्याने विचार करायला सुरुवात केली, आणि ते पुढील जीवनात खरोखरच नाटककार झाले.[ संदर्भ हवा ]

कारकीर्द[संपादन]

फर्ग्युसनच्या गणेशोत्सवातील बबन प्रभू यांच्या 'दिनूच्या सासूबाई राधाबाई’ या गंमत-नाटकात दिनू ही भूमिका आळेकरांनी केली असली तरी, सतीश आळेकरांची दिग्दर्शक व अभिनेता म्हणून खरी कारकीर्द तेंडुलकरांच्या नाटकांपासून सुरू झाली.[ संदर्भ हवा ] ’ओळख', 'काळोख' या तेंडुलकरांच्या एकांकिकांत त्यांनी अभिनय केला होता. पुढे भालबा केळकरांनी स्थापन केलेल्या प्रोग्रेसिव्ह ड्रॅमॅटिक असोशिएशनमध्ये ('पीडीए'मध्ये)आळेकर दाखल झाले आणि घाशीराम कोतवालचे सहदिग्दर्शन त्यांनी केले.[ संदर्भ हवा ]

'मेमरी' ही पहिली एकांकिका आळेकरांनी 'पीडीए'च्या शशिकांत कुलकर्णी यांना वाचून दाखविली. त्यांनी ती 'सत्यकथे'ला पाठली. संपादक राम पटवर्धन यांनी ती प्रसिद्ध तर, केलीच पण, मानधन म्हणून १५ रुपयांचा धनादेशही पाठविला.[ संदर्भ हवा ] 'झुलता पूल' एकांकिकेबाबत त्यांनी आळेकरांना सुधारणा सुचविल्या. त्या आळेकरांनी प्रयोगाच्या वेळी अंमलात आणल्या. पुरुषोत्तम करंडक स्पर्धेत पारितोषिक मिळाल्यानंतर ही एकांकिका सत्यकथेमध्ये प्रसिद्ध झाली.[ संदर्भ हवा ]

'घाशीराम कोतवाल' या नाटकासाठी डॉ. जब्बार पटेल यांच्या बरोबर साहाय्यक दिग्दर्शक म्हणून सतीश आळेकरांनी आपली नाट्यव्यवसायातील कारकिर्दीची खऱ्या अर्थाने सुरुवात केली.[ संदर्भ हवा ] थिएटर ॲकॅडमी या नाट्यसंस्थेच्या स्थापनेत त्यांनी पुढाकार घेतला.[ संदर्भ हवा ] याच संस्थेने रंगमंचावर आणलेल्या 'मिकी आणि मेमसाब', 'महापूर', 'महानिर्वाण', 'बेगम बर्वे' या नाटकांचे आळेकर हे लेखक होते.[ संदर्भ हवा ] १९७२ पासून नाट्यलेखन करताना त्यांनी ब्लॅक कॉमेडीचा आणि संगीत नाटकांचा आधार घेतला. त्यांची 'महापूर', 'महानिर्वाण' आदी नाटके आंतरराष्ट्रीय स्तरावर पोहोचली आणि त्या नाटकांचा विविध भाषांमध्ये अनुवादही झाला.[ संदर्भ हवा ] जागतिक पातळीवरील महत्त्वाच्या नाटकांमध्ये या नाटकांचा समावेश केला जातो. या दोन्ही नाटकांवर मराठी आणि इंग्रजीमध्ये स्वतंत्र समीक्षाग्रंथांचीही निर्मिती झाली आहे.[ संदर्भ हवा ]

सतीश आळेकर यांनी महाराष्ट्राच्या कानाकोपऱ्यातील विद्यार्थ्यांना नाट्यप्रशिक्षित करण्याचे महत्त्वाचे काम ललित कला केंद्राच्या संचालकपदाच्या माध्यमातून केले. कै. पंडित सत्यदेव दुबे यांच्यासारख्या रंगभूमीवरील महान व्यक्तींशी ललित कला केंद्रातील विद्यार्थ्यांचा संवाद सतीश आळेकर यांच्यामुळेच घडू शकला.[ संदर्भ हवा ]

नाटका-सिनेमातील अभिनय[संपादन]

सतीश आळेकर यांनी 'दिनूच्या सासूबाई राधाबाई', बेगम बर्वे,’ओळख', 'काळोख' या नाटकात आणि 'चिंटू', 'चिंटू - २','व्हेंटिलेटर','भाई', 'भाई - २', 'मी शिवाजी पार्क', 'अय्या', 'चि व चि सौ कां. राजवाडे अँड सन्स', 'स्माईल प्लिज', 'हाय वे', 'देऊळ बंद' तसेच 'जाऊंद्याना बाळासाहेब' इत्यादी चित्रपटांत भूमिका केल्या आहेत. तसेच जैत रे जैत, कथा दोन गणपतरावांची ह्या चित्रपटांचे लेखनही केले.[ संदर्भ हवा ]

विशेष[संपादन]

आळेकरांचे नाव नाटककार म्हणून आंतरराष्ट्रीय स्तरावर विजय तेंडुलकर, महेश एलकुंचवार यांच्या जोडीने घेतले जाते. आंतरराष्ट्रीय स्तरावरील नाटक अनुवाद प्रकल्पासाठी त्यांनी काम केले आहे.[ संदर्भ हवा ] प्ले-राइट्स डेव्हलपमेन्ट स्कीम आणि रीजनल थिएटर ग्रुप डेव्हलपमेन्ट या प्रकल्पांसाठी त्यांना फोर्ड फाउंडेशनची शिष्यवृत्ती मिळाली होती. अमेरिका, इंग्लंड, ग्रीस, जर्मनी आदी अनेक देशांत त्यांनी रंगभूमीविषयक अध्यापन, कार्यशाळा आणि संशोधन प्रकल्पांवर काम केले आहे. पुण्याच्या ललित कला केंद्राचे ते दीर्घकाळ संचालकही होते.[ संदर्भ हवा ]

२९ ते ३१ जानेवारी २०१५ या कालावधीत, पुणे विद्यापीठाच्या मराठी विभागातर्फे ’नाटककार सतीश आळेकर’ या विषयावर तीन दिवसांचे राष्ट्रीय चर्चासत्र झाले होते. त्याप्रसंगी सतीश आळेकर यांचा मराठवाडा विद्यापीठाचे माजी कुलगुरू नागनाथ कोत्तापल्ले आणि नाटककार दत्ता भगत यांच्या हस्ते सत्कार करण्यात आला होता.[ संदर्भ हवा ] आळेकरांची प्रकट मुलाखत घेण्यात आली. अतुल पेठे दिग्दर्शित ’नाटककार सतीश आळेकर’ हा माहितीपट दाखवला गेला.[ संदर्भ हवा ]

लेखन काम[संपादन]

रंगभूमीप्रमाणेच 'जैत रे जैत' चित्रपटाची पटकथा, 'देखो मगर प्यार से' ही दूरदर्शन मालिका, 'कथा दोन गणपतरावांची' या चित्रपटाचे संवादही आळेकरांनी लिहिले आहेत.[ संदर्भ हवा ]

रविवारच्या ‘लोकसत्ते’तील ‘लोकरंग’ या पुरवणीमध्ये सतीश आळेकर ‘गगनिका’ नावाचे सदर लिहीत असत. हे सदर पुढे त्याच नावाने पुस्तकरूपात प्रकाशित झाले. स्वातंत्र्योत्तर काळातील घटनांचे सांस्कृतिक पटलावर उमटलेले प्रतिबिंब असे स्वरूप असलेले हे पुस्तक म्हणजे ‘नाटकाचे नसलेले, पण नाटकाविषयी असलेले’ असे आहे.[ संदर्भ हवा ] १९७५ची आणीबाणी आणि ६ डिसेंबर १९९२ रोजी बाबरी मशिदीचे झालेले पतन या दोन घटना केंद्रस्थानी ठेवून २० वर्षांच्या कालखंडातील नाटकांचा ऊहापोह आळेकरांनी या लेखनाच्या माध्यमातून केला आहे.[ संदर्भ हवा ]

सतीश आळेकर यांनी लिहिलेली नाटके [ संदर्भ हवा ][संपादन]

नाटक सहभाग प्रकाशन वर्ष (इ.स.) आवृत्ती प्रकाशक
अतिरेकी लेखन इ.स. १९९० पॅाप्युलर प्रकाशन, मुंबई
एक दिवस मठाकडे लेखन इ.स. २०१३
दुसरा सामना लेखन इ.स. १९८९ पॅाप्युलर प्रकाशन, मुंबई
पिढीजात लेखन इ.स. पॅाप्युलर प्रकाशन, मुंबई
बेगम बर्वे लेखन इ.स. १९७९ पॅाप्युलर प्रकाशन, मुंबई
महानिर्वाण लेखन इ.स. १९७४ १९७९, १९८७, १९.., २०११ पॅाप्युलर प्रकाशन, मुंबई
महापूर लेखन इ.स. १९७६ पॅाप्युलर प्रकाशन, मुंबई
मिकी आणि मेमसाहेब लेखन इ.स. १९७४ पॅाप्युलर प्रकाशन, मुंबई
शनिवार-रविवार लेखन इ.स. पॅाप्युलर प्रकाशन, मुंबई
एकांकिका सहभाग प्रकाशन वर्ष (इ.स.) आवृत्ती -
आधारित लेखन इ.स. २०११
आळशी अत्तरवाल्याची गोष्ट आधारित इ.स.
कर्मचारी आधारित इ.स.
जज्‍ज आधारित इ.स.
झुलता पूल लेखन इ.स. १९७२ पॅाप्युलर प्रकाशन, मुंबई
दार कोणी उघडत नाही लेखन इ.स. १९९६ पॅाप्युलर प्रकाशन, मुंबई
नशीबवान बाईचे दोन आधारित इ.स.
बसस्टॉप लेखन इ.स. पॅाप्युलर प्रकाशन, मुंबई भिंत लेखन इ.स. पॅाप्युलर प्रकाशन, मुंबई भजन सामना लेखन इ.स. पॅाप्युलर प्रकाशन, मुंबई
मेमरी लेखन इ.स. पॅाप्युलर प्रकाशन, मुंबई
यमूचे रहस्य आधारित इ.स.
वळण लेखन इ.स. पॅाप्युलर प्रकाशन, मुंबई
शनिवार - रविवार लेखन इ.स. पॅाप्युलर प्रकाशन, मुंबई
सामना लेखन इ.स. पॅाप्युलर प्रकाशन, मुंबई
सुपारी आधारित इ.स.

आत्मचरित्र[संपादन]

  • गगनिका (रंगभूमीवरील कारकीर्द आणि नाट्यकृतींचा आढावा घेणारे आत्मकथन)[ संदर्भ हवा ]

पुरस्कार आणि सन्मान [ संदर्भ हवा ][संपादन]

  • अखिल भारतीय नाट्य परिषदेचा ‘जीवनगौरव पुरस्कार’ (जून २०१२)
  • अतुल पेठे यांनी 'नाटककार सतीश आळेकर' नावाचा लघुपट बनवला आहे.
  • एनसीपीएच्या ‘प्रतिबिंब’ नाट्यमहोत्सवात करण्यात आलेला विशेष सन्मान (जुलै २०१२)
  • एशियन कल्चरल कौन्सिल(न्यू यॉर्क)चा सन्मान
  • तन्वीर सन्मान (९-१२-२०१७)
  • नांदीकार सन्मान
  • पद्मश्री पुरस्कार : इ.स. २०१२ [१]
  • द फर्ग्युसोनियन्स या संस्थेचा फर्ग्युसन अभिमान पुरस्कार
  • फुलब्राईट शिष्यवृत्ती
  • फोर्ड फाऊंडेशनची शिष्यवृत्ती
  • बलराज साहनी-साहिर लुधियानवी फाऊंडेशनचा बलराज साहनी पुरस्कार
  • संगीत नाटक अकादमी सन्मान
  • सर्वोत्कर्ष चॅरिटेबल ट्रस्टतर्फे स्वरसन्मान पुरस्कार

सतीश आळेकरांवरील ग्रंथ [ संदर्भ हवा ][संपादन]

  • महानिर्वाण : समीक्षा आणि संस्मरणे (संपादक : रेखा इनामदार साने)
  • बेगम बर्वे विषयी (संपादक : रेखा इनामदार साने)

संदर्भ आणि नोंदी[संपादन]

  1. ^ "पद्मविभूषण, पद्मभूषण, पद्मश्री पुरस्कार सन २०१२ संपूर्ण यादी". Archived from the original on 2012-01-28. January 25, 2012 रोजी पाहिले.

बाह्य दुवे[संपादन]