व्हियेना

	व्हिएन्ना; Wien
	ऑस्ट्रिया देशाची राजधानी
	; ;
ध्वज	चिन्ह
	व्हिएन्ना व्हिएन्नाचे ऑस्ट्रियामधील स्थान
	गुणक: 48°12′32″N 16°22′21″E / 48.20889, 16.3725
देश	ऑस्ट्रिया
राज्य	व्हियेना
क्षेत्रफळ	४१५ वर्ग किमी
समुद्रसपाटीपासुन उंची	६२३ फूट
	लोकसंख्या (२०११)
- शहर	१७,१४,१४२
- घनता	४,१३४ प्रति वर्ग किमी
- महानगर	२४,१९,०००
प्रमाणवेळ	मध्य युरोपीय प्रमाणवेळ
	wien.at

फ्रान्सच्या व्हियेन विभागासाठी पहा: व्हियेन.

व्हिएन्ना किंवा वीन (जर्मन: Wien) ही ऑस्ट्रिया देशाची राजधानी, ऑस्ट्रिया या देशातील ९ राज्यांपैकी एक राज्य व देशातील सर्वात मोठे शहर आहे. ऑस्ट्रियाच्या पूर्व भागात डॅन्यूब नदीच्या काठी वसलेल्या व्हिएन्ना शहराची लोकसंख्या सुमारे १७.१४ लाख असून त्याच्या महानगर क्षेत्रात अंदाजे २४ लाख लोक (ऑस्ट्रियाच्या लोकसंख्येपैकी २५ टक्के) राहतात. व्हिएन्ना शहर चेक प्रजासत्ताक, हंगेरी व स्लोव्हाकिया देशांच्या सीमेजवळ असून येथून ब्रातिस्लाव्हा ही स्लोव्हाकियाची राजधानी केवळ ६० किमी अंतरावर आहे.

इ.स.पू. ५व्या शतकापासून व्हिएन्नाचा उल्लेख इतिहासात आहे. याचे मूळ नाव उइंदोबोना असे होते. इतिहासपूर्व रोमन साम्राज्यकाळात वसवण्यात आलेले व्हिएन्ना शहर मध्य युगात ऑस्ट्रियन साम्राज्याची व नंतर ऑस्ट्रिया-हंगेरीची राजधानी होती. आजच्या घडीला एक प्रगत व आधुनिक दर्जाचे शहर असलेल्या व्हिएन्नामध्ये ओपेकचे मुख्यालय तसेच संयुक्त राष्ट्रांची अनेक कार्यालये आहेत.