विभावरी देशपांडे

विकिपीडिया, मुक्‍त ज्ञानकोशातून
जन्म १ फेब्रुवारी इ.स. १९७९
पुणे, महाराष्ट्र, भारत
इतर नावे विभावरी दीक्षित (पूर्वाश्रमीचे)
राष्ट्रीयत्व भारतीय
कार्यक्षेत्र चित्रपट
भाषा मराठी (मातृभाषा)
वडील उपेंद्र दीक्षित
पती हृषीकेश देशपांडे

विभावरी देशपांडे (जन्मदिनांक १ फेब्रुवारी इ.स. १९७९ - हयात) ही मराठी चित्रपटसृष्टीतील अभिनेत्री आहे.

कारकीर्द[संपादन]

लेखक व दिग्दर्शक[संपादन]

विभावरी देशपांडेंनी आपली कारकीर्द महाविद्यालायात असताना नाटकात अभिनय व लिखाण काम करून सुरु केली. राष्ट्रीय नाट्य विद्यालय, दिल्ली येथील अनेक कार्यशाळा मध्ये भाग घेतला. प्रसिद्ध नाटककार सत्यदेव दुबे ह्यांच्या ह्या विद्यार्थी. नाटकात काम करत असताना त्यांनी संवाद लेखनाचे पण काम केले.[१]

एका जर्मन नाट्यसमूह "ग्रिप्स थेटर" समवेत त्यांनी अनेक बालनाटकांमध्ये काम केले.[२] त्यांनी कन्नड नाटक गुम्मा बंडा गुम्मा चे दिग्दर्शन पण केले आहे.[३]

अभिनेत्री[संपादन]

चित्रपटातील अभिनयाची सुरुवात देशपांडेंनी २००४ सालापासून केली. श्वास ह्या चित्रपटातून त्यांनी एक छोटीशी भूमिका केली. त्याच वर्षी त्यांचा सातच्या आत घरात हा बहुचर्चित चित्रपट पण सादर झाला. पुढे काही हिंदी चित्रपटांमधून छोट्या भूमीकांत पण त्या दिसल्या.

२००९ मध्ये देशपांडेंना त्यांच्या कारकीर्दीची महत्वाची भूमिका मिळाली. या चित्रपटात त्यांनी भारतीय चित्रपटांचे जनक मानले जाणाऱ्या धुंडिराज गोविंद फाळके यांच्या पत्नीची व्यक्तिरेखा सादर केली.[४] त्याकरीता त्यांना मिफ्ताचे सर्वोत्कृष्ट अभिनेत्रीचे पारितोषिक पण मिळाले.[५] पुढील वर्षी, म्हणजे २०१० साली, या चित्रपटात त्या दिसल्या. अतुल कुलकर्णी ह्यांनी साकारलेल्या गुणा ह्या व्यक्तिरेखेच्या पत्नीची ही भूमिका होती.[६] २०११ साली त्यांनी पुन्हा एकदा एक ऐतिहासीक व्यक्तिरेखा वठवली, ती प्रसिद्ध नात्यागायक बालगंधर्वांच्या पत्नी, लक्ष्मी ह्यांची.[७]


इ . स. शीर्षक भूमिका माध्यम टिपणी
२००४ चकवा - चित्रपट संवाद लेखन
२००४ श्वास रिसेप्शनिस्ट चित्रपट
२००४ सातच्या आत घरात केतकी चित्रपट
२००७ दम काटा अनन्याची आई चित्रपट हिंदी भाषा
२००८ मुंबई मेरी जान अर्चना कदम चित्रपट हिंदी भाषा
२००९ हरिश्‍चंद्राची फॅक्टरी सरस्वती फाळके, दादासाहेब फाळके यांची पत्नी चित्रपट
२०१० नटरंग द्वारका कागलकर चित्रपट
२०११ बालगंधर्व लक्ष्मी, बालगंधर्व यांची पत्नी चित्रपट
२०११ देऊळ चित्रपट
२०१२ चिंटू चिंटूची आई चित्रपट
२०१२ तुह्या धर्म कोनचा? भुलाबाई चित्रपट
एम एच १२ - मुक्काम पोस्त पुणे नाटक
गुम्मा बंडा गुम्मा - नाटक दिग्दर्शक

कन्नड भाषा

अग्निहोत्र - धारावाहिक संवाद लेखन

व्यक्तिगत आयुष्य[संपादन]

पुणे येथे विभावरी दीक्षित म्हणून जन्मलेल्या देशपांडेंनी आपले शालेय शिक्षण गरवारे विद्यालयातून केले. पुढे फार्गुसेन महाविद्यालयातून त्या पदवीधर झाल्या. १९३१ मध्ये त्यांच्या आजोबांनी स्थापन केलेल्या "इंटरनैश्नल बुक सेर्विसिस" कडे त्यांचे वडील उपेंद्र दीक्षित पाहतात. देशपांडेंची आई गृहिणी आहे व आजी, मुक्ताबाई दीक्षित ह्यापण नाटक लेखन करत.[८]

संदर्भ[संपादन]

बाह्य दुवे[संपादन]