रघुनाथ वामन दिघे

विकिपीडिया, मुक्‍त ज्ञानकोशातून
रघुनाथ वामन दिघे


जन्म २४ एप्रिल [१] किंवा २५ मार्च [२], इ.स. १८९६
कल्याण, महाराष्ट्र, भारत
मृत्यू ४ जुलै, इ.स. १९८०
महाराष्ट्र, भारत
कार्यक्षेत्र साहित्य
राष्ट्रीयत्व भारत भारतीय
भाषा मराठी
साहित्यप्रकार कथा, कादंबरी

रघुनाथ वामन दिघे (२४ एप्रिल[१] किंवा २५ मार्च [२], इ.स. १८९६; कल्याण - ४ जुलै, इ.स. १९८०) हे मराठी भाषेतील लेखक, कादंबरीकार होते. ग्रामीण जीवनाच्या पार्श्वभूमीवरील लिहिलेल्या कादंबऱ्यांसाठी ते परिचित आहेत.

जीवन[संपादन]

दिघे हे बी.ए., एल.एल.बी. होते. त्यांनी पुणेपनवेल येथे काही काळ वकिली केली[२]. पुढे विहारी, खोपोली (वर्तमान रायगड जिल्हा) येथे राहून ते शेती करू लागले.

प्रकाशित साहित्य[संपादन]

दिघे यांच्या पुष्कळशा कादंबऱ्या ग्रामीण पार्श्वभूमीचे चित्रण करणाऱ्या आहेत. त्यांच्या लिखाणातील नायक हा बहुधा वारकरी आणि शेतकरी असायचा. हा नायक शेतकरी वारकरी संप्रदायाची मूल्ये जपतो आणि निसर्गाच्या आपत्तीशी त्यानुसार झगडा देतो. संतांच्या शिकवणीतून हा मुकाबला तो कसा करतो, याची त्या कादंबऱ्यांमध्ये उत्तम वर्णने वाचायला मिळतात.

विशेषत: त्यांच्या पाणकळा आणि पड रे पाण्या या दोन कादंबऱ्यांतून भीमा नदीच्या खोऱ्यातल्या शेतकऱ्यांचे जीवन समर्थपणे उभे केलेले दिसते [३].

साहित्यकृतीचे नाव प्रकाशनवर्ष (इ.स.) साहित्यप्रकार प्रकाशक
सराई कादंबरी
पड रे पाण्या कादंबरी
पाणकळा कादंबरी
पूर्तता कादंबरी
पावसाचे पाखरू कादंबरी
कार्तिकी कादंबरी
गानलुब्धा मृगनयना कादंबरी

वारसा[संपादन]

दिघे यांच्या साहित्यिक कारकिर्दीचे विश्लेषण व मूल्यमापन करणारा कादंबरीकार र.वा.दिघे नावाचा समीक्षाग्रंथ रवींद्र ठाकूर ह्यांनी लिहिला आहे.

संदर्भ व नोंदी[संपादन]

  1. १.० १.१ दिघे,रघुनाथ वामन. महाराष्ट्र राज्य मराठी विश्वकोश निर्मिती मंडळ, मुंबई. (मराठी मजकूर) 
  2. २.० २.१ २.२ वझरेकर, संजीव शा.. ""दिनविशेष" (नवनीत)[मृत दुवा]", लोकसत्ता, २५ मार्च, इ.स. २००९. (मराठी मजकूर) 
  3. मोरे, सदानंद. "ग्यानबांची वारी", महाराष्ट्र टाइम्स, १ जुलै, इ.स. २००८. (मराठी मजकूर) 

बाह्य दुवे[संपादन]

  • दिघे,रघुनाथ वामन. महाराष्ट्र राज्य मराठी विश्वकोश निर्मिती मंडळ, मुंबई. (मराठी मजकूर) 


Wiki letter w.svg
कृपया या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.