यष्टिचीत

क्रिकेटच्या खेळात यष्टीचीत हा फलंदाज बाद होण्याचा एक प्रकार आहे.

यष्टीचीत होण्यासाठी खालील गोष्टींची पूर्तता होणे आवश्यक आहे -

• टाकलेला चेंडू नो-बॉल असता कामा नये. वाईड चेंडू चालतो.
• खेळत असलेला फलंदाज चेंडू मारण्याच्या प्रयत्नात आपली क्रीझ सोडून पुढे गेलेला असला पाहिजे.
• चेंडू बॅटला न लागता यष्टीरक्षकाकडे गेला पाहिजे.
• फलंदाज धाव काढण्याच्या प्रयत्नात असता कामा नये. असे असल्यास फलंदाज धावचीत समजला जाईल.
• यष्टीरक्षकाने चेंडू यष्टीवर फेकून मारुन अथवा चेंडू हातात ठेवून आपल्या त्याच हाताने यष्टी मोडली पाहिजे.
• या क्षणी फलंदाज क्रीझच्या बाहेर पाहिजे.

यष्टीचीत फलंदाजाबद्दल गोलंदाजाला व यष्टीरक्षकाला श्रेय देण्यात येते.