मुंबई मोनोरेल

विकिपीडिया, मुक्‍त ज्ञानकोशातून
मुंबई मोनोरेल
Mumbai Monorail logo.jpg
स्थान मुंबई
वाहतूक प्रकार जलद परिवहन
मार्ग
मार्ग लांबी २०.२१ कि.मी.
एकुण स्थानके १८
सेवा आरंभ ४ फेब्रुवारी २०१४
मार्ग नकाशा
चेंबूर Indian Railways Suburban Railway Logo.svg
व्हीएनपी व आरसी मार्ग
फर्टिलायझर टाउनशिप
भारत पेट्रोलियम
म्हैसूर कॉलनी
भक्ती पार्क
वडाळा डेपो
स्थानकामध्ये येणारी मोनोरेल
भक्ती पार्क स्थानक

मुंबई मोनोरेल (Mumbai Monorail) ही मुंबई शहरामध्ये कार्यरत असलेली एक मोनोरेल प्रणाली आहे. ४ फेब्रुवारी २०१४ पासून सेवेमध्ये असलेली मुंबई मोनोरेल ही भारतातील पहिली मोनोरेल प्रणाली आहे. मुंबई महानगर प्रदेश विकास प्राधिकरण (एम.एम.आर.डी.ए.) ह्या सरकारी संस्थेने हा प्रकल्प विकसित केला आहे. २००९ साली मोनोरेलच्या बांधकामाला सुरूवात झाली व पहिल्या मार्गावरील चेंबूर ते वडाळा डेपो हा ८.९३ किमी लांबीचा पहिला टप्पा ४ फेब्रुवारी २०१४ रोजी प्रवाशांसाठी खुला करण्यात आला. चेंबूर ते जेकब सर्कल हा २०.२१ किमी लांबीचा संपूर्ण पहिला मार्ग मार्च २०१५ मध्ये पूर्ण होणे अपेक्षित आहे.

इतिहास[संपादन]

विलासराव देशमुख महाराष्ट्र राज्याचे मुख्यमंत्री असताना त्यांनी मुंबई मध्ये भारतातील पहिली मोनोरेल प्रणाली बांधण्याची परवानगी १३ ऑगस्ट, २००८ रोजी दिली.[ संदर्भ हवा ] बाँबार्डिअर ट्रान्स्पोर्टेशन, रिलायन्स एनर्जी व हिताची मोनोरेल यांच्या आणि लार्सन ऍण्ड टूब्रो व मलेशियातील स्कोमी रेल यांच्या दोन संघांतून ११ नोव्हेंबर, २००८ रोजी लार्सन ऍण्ड टूब्रो व स्कोमी रेल या संघाला २०२९ पर्यंत मोनोरेल बांधण्याचे व चालवण्याचे २४६० कोटी रुपयांचे कंत्राट दिले गेले. मुंबई मोनोरेलचे बांधकाम तत्कालीन]] मुख्यमंत्री अशोक चव्हाण ह्यांच्या हस्ते ९ फेब्रुवारी २००९ रोजी सुरु झाले. २६ जानेवारी २०१० रोजी १०८ मी.च्या मार्गावर परीक्षा-चलन पार पडले.

मार्ग १[संपादन]

मुंबई मोनोरेलचा मार्ग १ मुंबईच्या पूर्व भागातील चेंबूर उपनगरापासून दक्षिण मुंबईमधील जेकब सर्कलपर्यत आखण्यात आला आहे. चेंबूरमधील मोनोरेलचे टर्मिनस स्थानक मुंबई उपनगरी रेल्वेच्या हार्बर मार्गावरील चेंबूर रेल्वे स्थानकाच्या जवळ स्थित आहे ज्यामुळे प्रवाशांना मार्ग बदलणे सुलभ होते. २०.२१ किमी लांबीचा हा मार्ग संपूर्णपणे उंचीवर असून प्रवाशांच्या सोईसाठी सरकते जिने व लिफ्टची सोय करण्यात आली आहे.

मार्ग १
# स्थानक नाव उद्घाटन जोडमार्ग
1 चेंबूर 2 फेब्रुवारी 2014 चेंबूर रेल्वे स्थानक (हार्बर मार्ग)
2 व्हीएनपी व आरसी मार्ग 2 फेब्रुवारी 2014 नाही
3 फर्टिलायझर टाउनशिप 2 फेब्रुवारी 2014 नाही
4 भारत पेट्रोलियम 2 फेब्रुवारी 2014 नाही
5 म्हैसूर कॉलनी 2 फेब्रुवारी 2014 नाही
6 भक्ती पार्क 2 फेब्रुवारी 2014 नाही
7 वडाळा डेपो 2 फेब्रुवारी 2014 नाही
8 जी.टी.बी. नगर मार्च 2015 नाही
9 ॲन्टॉप हिल मार्च 2015 नाही
10 आचार्य अत्रे नगर मार्च 2015 नाही
11 वडाळा पूल मार्च 2015 नाही
12 दादर पूर्व मार्च 2015 नाही
13 नायगाव मार्च 2015 नाही
14 आंबेडकर नगर मार्च 2015 नाही
15 मिंट कॉलनी मार्च 2015 नाही
16 लोअर परेल मार्च 2015 नाही
17 चिंचपोकळी मार्च 2015 नाही
18 जेकब सर्कल मार्च 2015 नाही

बाह्य दुवे[संपादन]