भोवरा (खेळ)

विकिपीडिया, मुक्‍त ज्ञानकोशातून

भोवरा किंवा भवरा हा एक खेळाचे साधन आहे. हे शंक्वाकाराचे असते. त्यास सहसा लोखंडाचे एक निमुळते टोक असते.त्यास आरु असे म्हणतात. दोरी किंवा जाळी लपेटण्यास सोयीचे व्हावे म्हणुन त्यास विशेष प्रकारची सोय केलेली असते. दोरी त्याच्या सभोवती लपेटुन, त्याचे गाठ मारलेले एक टोक हातात धरुन तो जमिनीवर झटक्याने फेकला जातो व फिरवला जातो. पूर्वी हा लाकडाचा असायचा. सध्या प्लास्टीकमध्ये हे उपलब्ध आहेत.तसेच ते 'फायबर' चे देखील असतात.

भोवरा हा खेळ मुळतः भारतीय आहे.हा खेळ भारतासहीत चीन व जपानमध्येही खेळला जातो.विशेषतः पावसाळयात हा खेळ रंगतो. भोवरा फिरवणे ही एक कला आहे.याला भरपुर सरावाची आवश्यकता असते. पुर्वी चिंधकाने बोटे बांधू्न पोरे गरागरा भोवरे फिरवत. ज्याच्यावर डाव येईल त्याचा भोवरा रिंगणात मांडतात.बाकीची पोरे त्या भोवर्‍याला गुच्चे मारतात.

या खेळात काही वेळा भोवरे फुटतात.काही विद्रुपदेखील होतात.भोवरा झेलणारया पोरांना जखमाही होतात.काही तिडतिडे भोवरे जाळी खातात.असा भोवरा ताड्कन उडू्न डोळ्यांवर लागतो.पण तरीही मुले आवडीने भोवरा खेळ्तात.

हा खेळ प्रामुख्याने ग्रामीण भागात खेळला जातो.हा खेळ आता नामशेष होण्याच्या मार्गावर आहे.


Wiki letter w.svg
कृपया या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.