बेलूर

विकिपीडिया, मुक्‍त ज्ञानकोशातून

बेलूर हे कर्नाटकातील हासन जिल्ह्यातील एक गाव आहे. हे यगाची नदीच्या तीरावर वसले आहे. हे नगर ऐतिहासिक काळातील होयसाळ राज्याचे राजधानीचे शहर होते. येथे चेन्नकेशवा मंदिर नावाचे पुरातन व प्रसिद्ध हिंदू मंदिर आहे.

चेन्नकेशवा मंदिर[संपादन]

चेन्नकेशवा मंदिर

इ.स. १११७ साली राजा विष्णुवर्धन याने हे मंदिर बांधवले [१][२]. हासन शहरापासून ४० कि.मी. आणि बंगळूर शहरापासून २२० कि.मी. अंतरावर असलेले हे मंदिर सुंदर शिल्पकलेसाठी प्रसिद्ध आहे. द्रविड व होयसाळ स्थापत्यकलेत घडवलेले हे मंदिर, युनेस्कोने जागतिक वारसा म्हणून घोषित केले आहे.

मंदिरातील मुख्य आकर्षण सुंदर व बारकाव्याने कोरीव काम केलेल्या मानवाकृती आहेत. मंदिरातील प्रत्येक खांब आकार आणि रचनेमध्ये वेगळा आहे. मंदिराबाहेर रामायण, महाभारत, हिंदू पुराणातील आख्यायिका कोरल्या आहेत. मंदिराच्या दाराबाहेर होयसाळ राज्याचे बोधचिन्ह आहे. चेन्नकेशवा मंदिराच्या दक्षिणेकडे कप्पे चेन्निगाराया मंदिर आहे. होयसाळांमधील शांतलादेवी नावाच्या राणीने हे मंदिर बांधून घेतले. या मंदिराच्या नैऋत्य दिशेला सौम्यनायकी मंदिर आहे.

चित्रदालन[संपादन]

संदर्भ व नोंदी[संपादन]

  1. अबाउट चेन्नकेशवा टेंपल बेलूर (चेन्नकेशवा मंदिराविषयी). १३ जानेवारी, इ.स. २०१२ रोजी पाहिले. (इंग्लिश मजकूर)
  2. शेट्टार,एस. (१२ एप्रिल, इ.स. २००३). होयसाला हेरिटेज (होयसाळांचा वारसा). फ्रंटलाइन (नियतकालिक). १३ जानेवारी, इ.स. २०१२ रोजी पाहिले. (इंग्लिश मजकूर)


Wiki letter w.svg
कृपया या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.