बाबर

विकिपीडियातील इतिहासविषयक लेखात पाळावयाचे लेखनसंकेत

बाबर

झहिर उद्दिन मोहम्मद बाबर (फेब्रुवारी २३, इ.स. १४८३ - जानेवारी ५, इ.स. १५३१) हा मुघल साम्राज्याचा संस्थापक होता.

बालपण

बाबरचा जन्म १४ फेब्रुवारी १४८३ रोजी मध्य आशियातील फरगाना खोऱ्यामधील (वर्तमानकालीन उझबेकिस्तानात) आंदिजान शहरात झाला. बाबरच्या वडिलांचे नाव उमरशेख मिर्झा होते. उमरशेख मिर्झा पराक्रमी तुर्क सम्राट तैमूरलंग याचा पाचवा वारस होता. बाबराच्या आईचे नाव कुल्लघ निगार खानुम होते. बाबरची आई ही मुघल सम्राट चंगीझ खान याच्या वंशातील चौदावी वारस होती. उमरशेख मिर्झा हे फरगाणा प्रांताचे शासक होते. बाबरचे आई व वडील हे दोघेही मध्य आशियातील कर्तबगार कुळातील होते. बाबराला तीन भाऊ व पाच बहिणी होत्या. मुलांमधे बाबर हा सर्वात मोठा होता. बाबराचे मूळ नाव झहिरुद्दीन होते. किचकट नावामुळे त्यांनी नाव बदलून बाबर केले.

फरगाणा प्रांताचे राजपद

बाबरचे वडील उमरशेख मिर्झा यांचा अपघाती मृत्यु झाल्यानंतर वंशपरंपरेच्या पद्धतीनुसार फरगाना प्रांताचे राजपद बाबरास मिळाले. बाबराचे वय तेव्हा बारा वर्षाचे होते. बाबर अगदी लहान वयातच मह्त्त्वाकांक्षी होता. इ.स. १४९७ मध्ये त्याला समरकंद जिंकून घेण्यात यश मिळाले.

संदर्भ

विकिमीडिया कॉमन्सवर खालील विषयाशी संबंधित संचिका आहेत: बाबर