दागिने

विकिपीडिया, मुक्‍त ज्ञानकोशातून
कानांतल्या वलयांवरील कारागिरी

दागिने म्हणजे स्त्रियांचे सर्वात प्रिय आणि मौलिक अलंकार. अर्थात, पुरुषांचे आणि मुलांचेही काही खास दागिने असतात. दागिने हे सर्वसाधारणतः विशेष दुर्मिळ (आणि अर्थात किंमती) धातूंपासून केलेले असतात आणि त्यांत बरेचदा विविध सुंदर हिरे बसवलेले असतांत.

घडण[संपादन]

सूचनेनुसार एखादा तसाच्या तसा दागिना तयार करायला खूप कौशल्य लागते. हे काम हाताने करावे लागते. टिकल्या पाडणे, तार तयार करणे, जोडकाम करणे, तासकाम करणे अशा वेगवेगळ्या टप्प्यांमधून धातू जातो आणि मग दागिना घडतो. काही दागिने साच्यातून दाब देऊन बनवले जातात. सोन्याच्या पत्र्यावर ठसा उमटवूनही दागिने घडवले जातात. त्यावर जोडकाम, तासकाम आणि चमक आणणे यासारख्या प्रक्रिया हाताने केल्या जातात. दागिने घडवताना सोन्याचा वापर अधिक होतो. तसेच बांगड्या, अंगठ्या हे प्रकार मुशीत धातू ओतूनही तयार केले जातात. धातूवर नक्षीकाम तयार करणे ही एक कला आहे. यासाठी पूर्वी पारंपारिकरित्या प्रशिक्षित कारागीर असत. परंतु नवीन तंत्रज्ञानुसार आता हे काम संगणकावरही केले जाते. त्यासाठी कॅड (CAD) कॉम्प्युटरएडेड डिझायनिंग या संगणक प्रणालीद्वारा दागिन्यांच्या नक्षीचे काम केले जाते. ही बनवलेली नक्षी कॉम्प्युटरएडेड मॅन्युफॅक्‍चरिंग मशिनमध्ये फीड करून त्यातून एक प्रतिकृती बनवली जाते. ही काहीवेळा मेणातही बनवली जाते. त्यात योग्य त्या सुधारणा करून मग दागिना घडवला जातो.

प्रकार[संपादन]

दागिन्यांमध्ये अनेक प्रकार आहेत.

  • अंगठी, नाग, नागमूद, मुदी, मुद्रा, मुद्रिका, वळे, सिका, इत्यादी बोटातले दागिने
  • आकडा, सुवर्णफूल,
  • एकदाणी, एकसर, ओवेर साज, कंठा, कंठी, कंठीहार, काशी ताळी, गहू माळ, गोखरू माळ, गोफ, चंद्रहार, चपलाकंठी, चपलाहार, चाफेकळी माळ, चिंचपेटी, चितांग, चौसरा, जोंधळी पोत, टीकमणी सर (टिका), ठुशी, डोरले, डाळी टिका, तन्मणी, ताईत, तांदळी पोत, तायत्या, दुल्लडी, नळ्याची पोत, नेकलेस, पाभर, पुतळ्यांची माळ, पोहेहार, बकुळहार, बोरमाळ, ब्रेसलेट, मंगळसूत्र, माळ, मोहनमाळ, लड, लफ्फा, लक्ष्मीहार, वज्रटीक, शिरण, श्रीमंतहार, सर, सरी, साखळी, साज, हरपर रेवडी हार, हार इत्यादी गळ्यांतले दागिने.
  • कंकण, कंगन, कडे, गजरा, गोठ, तोडा, शिंदेशाही तोडा, पाटली, पिछोडी, पो(व)ची, बांगड्या, बाजूबंद, बिलवर, इत्यादी मनगटातले दागिने
  • कडदोरा, कंबरपट्टा(कमरपट्टा), करदोटा, पोंद, मेखला, साखळी, इत्यादी कमरेवरचे दागिने
  • कर्णालंकार: कुंडल, कुडी, झुबे, डूल, बाळी, भिकबाळी, बुगडी, रिंगा, वेल, सुवर्णफुले
  • कलगी
  • कांडवाळे (कांडोळे)
  • केसात घालायची सुवर्णफुले किंवा रत्‍नफुले, रविफूल, सूर्यफूल, गुलाबफूल वगैरे.
  • चाळ
  • चौकडा
  • जोडवे
  • तुरा
  • चमकी, नथ, सुंकली हे नाकातले दागिने
  • तोडर
  • नूपुर
  • पैंजण
  • फरा : गणपतीच्या कपाळावर डोक्याकडून खाली उतरलेला रत्‍नखचीत फरा असतो.
  • फलकमाला(कवचासारखी दिसणारी मोठ्या आकाराची कॉलर)
  • बाजूबंद
  • बिंदली
  • बिंदी
  • मंजिरी
  • मासोळ्या
  • मुकुट
  • मेखला
  • मोरपीस
  • मौलमणी
  • वळे
  • वाकी
  • वाघनखे
  • वाळा
  • वेढणी
  • वेढे
  • शिरपेच
  • शिरस्त्राण
  • साखळी

लहान मुलांचे दागिने[संपादन]

  • कडे
  • कमर साखळी
  • कांडवळे (कांडोळे)
  • कुयरी
  • घुंगरू
  • चुटक्या
  • डूल
  • ताईत
  • तांबोळे
  • दसांगुळे
  • बिंदल्या
  • बेडी
  • मनगट्या
  • वाकडा ताईत
  • वाघनखे
  • वाळा
  • साखळी
  • हंसळी

प्रशिक्षण[संपादन]

  • इंडियन इन्स्टिट्यूट ऑफ जेम्स अँड ज्वेलरी

या संस्थेत तीन वर्षांचा डिझायनिंगचा डिप्लोमा कोर्स उपलब्ध आहे.

दागिने डिझाइन गॅलरी[संपादन]


Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.

बाह्य दुवे[संपादन]