चमच्या (पक्षी)

विकिपीडिया, मुक्‍त ज्ञानकोशातून
चमच्या
Eurasian Spoonbill.jpg
शास्त्रीय नाव Platalea leucorodia
कुळ अवाकाद्य
(Threskiornithidae)
अन्य भाषांतील नावे
इंग्लिश Eurasian Spoonbill
संस्कृत दर्विदा, खजाक
हिंदी चमचा, दाबिल

चमच्या हा साधारणपणे ६० सें. मी. आकाराचा, बदकापेक्षा मोठा, लांब मानेचा, शुभ्र पांढरा पक्षी असून याचे पाय काळ्या रंगाचे असतात. याची चोच काळ्या रंगाची टोकाशी पिवळी आणि टोकाशी चमच्याचा आकार असतो. वीण काळात नराला शेंडी येते आणि गळ्याखालील भाग पिवळा होतो. एरवी नर-मादी दिसायला सारखेच असतात. हे पक्षी एकट्याने किंवा थव्याने राहतात. दलदली, तलाव, चिखलाचा भाग, नद्या या ठिकाणी बेडुक, कीटक, पाण वनस्पती, मासोळ्या, खेकडे, गोगलगाय खातांना हा हमखास दिसतो. याच्या लांब चोचीने हा पाणी ढवळून काढतो मग सैरावैरा पळणारे जलचर याला सहज पकडता येतात.

भारत, पाकिस्तान, श्रीलंका, बांगलादेश, म्यानमार या देशांमध्ये चमच्याची वस्ती आहे.

जुलै ते नोव्हेंबर हा चमच्याचा वीण काळ असून हा आपले घरटे पाण्याजवळील उंच झाडावर बांधतो. मादी एकावेळी शुभ्र पांढर्‍या रंगाची त्यावर तपकिरी ठिपके असलेली अंडी देते.

चित्रदालन[संपादन]


Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.