ग्रहण
जेव्हा एखाद्या ग्रहाची सावली दुसर्या ग्रहावर अथवा इतर खगोलीय वस्तूवर पडते, तेव्हा पहिल्या ग्रहाने दुसर्या ग्रहाला ग्रहण लावले असे म्हणले जाते.
अनुक्रमणिका |
[संपादन] सूर्यग्रहण
जेव्हा चंद्र, सूर्य व पृथ्वीच्या मध्ये येतो तेव्हा दिसणार्या स्थितीला सूर्यग्रहण म्हणतात. सूर्यग्रहणाबद्दल फार पूर्वीपासून नोंदी ठेवलेल्या आढळतात.
सूर्यग्रहण सर्व साधारणपणे अमावास्येला दिसते.
[संपादन] खग्रास सूर्यग्रहण
जेव्हा सूर्य पूर्णपणे चंद्राच्या मागे लपला जातो, तेव्हा दिसणार्या स्थितीला खग्रास सूर्यग्रहण म्हणतात.
[संपादन] तेजोवलय (Corona)
खग्रास सूर्यग्रहणाच्या वेळेस, सूर्य चंद्रामागे गेल्यानंतर चंद्राच्या चारही बाजूंनी सूर्याची किरणे दिसतात. यांचा आकार वर्तुळाकार असतो. त्यामुळे या किरणांना तेजोवलय असे म्हणतात.
[संपादन] खंडग्रास सूर्यग्रहण
जेव्हा सूर्याचा काही भागच चंद्राच्या मागे जातो, तेव्हा दिसणार्या स्थितीला खंडग्रास सूर्यग्रहण म्हणतात.
[संपादन] कंकणाकृती सूर्यग्रहण
या स्थितीत सूर्य पृथ्वीपासून जास्त जवळ असतो व चंद्र जास्त दूर असतो. त्यामुळे चंद्रबिंब सूर्यबिंब पूर्णपणे झाकण्यास असमर्थ ठरते. त्यामुळे सूर्यबिंबाचा आकार बांगडीसारखा दिसतो.
[संपादन] चंद्रग्रहण
जेव्हा पृथ्वी, सूर्य व चंद्राच्या मध्ये येते, तेव्हा पृथ्वीची सावली चंद्रावर पडल्याने चंद्रग्रहण दिसते. चंद्रग्रहण पौर्णिमेलाच् दिसते.
[संपादन] अधिक्रमण
जेव्हा एखादा ग्रह, सूर्याच्या अथवा दुसर्या एखाद्या ग्रहाच्या पृथ्वीसापेक्ष कक्षेत येतो, तेव्हा दिसणार्या स्थितीला अधिक्रमण असे म्हणतात. आपल्याला (पृथ्वीवरून) फक्त बुध व शुक्र यांचीच अधिक्रमणे दिसतात. शुक्राची अधिक्रमणे खूपच दुर्मिळ असतात. इ.स. २००४ साली शुक्राचे अधिक्रमण झाले होते. ते इ.स. २०१२ मध्ये परत होईल. पण त्यानंतर ते इ.स. २११२ सालीच दिसेल.
[संपादन] बाह्य दुवे
 |
विकिमीडिया कॉमन्सवर खालील विषयाशी संबंधित संचिका आहेत: |
 |
खगोल शास्त्र विषयाशी संबंधित हा लेख अपूर्ण आहे. हा लेख पूर्ण करण्यास आपण हातभार लावू शकता. हा लेख संपादित करण्यासाठी येथे टिचकी द्या. 'विकिपीडिया' मध्ये अपूर्ण लेख संपादित करण्यासाठी मदतीचा लेख येथे उपलब्ध आहे. |
