खवल्या मांजर

खवल्या मांजर Paleocene–Recent PreЄ Є O S D C P T J K Pg N
शास्त्रीय वर्गीकरण
वंश: कणाधारी जात: सस्तन वर्ग: फॉलिडोटा (Pholidota) कुळ: मॅनिडी (Manidae) जातकुळी: मॅनिस (Manis)

खवल्या मांजर (इंग्लिश: Pangolin, पँगोलिन) हा फॉलिडोटा वर्गातल्या मॅनिडी कुळातील मॅनिस प्रजातीतील सस्तन प्राणी आहे. हा आफ्रिका व आशिया इथल्या उष्णकटिबंधीय भागांमध्ये आढळतो. ज्याची त्वचा खवल्यांनी आच्छादलेली असते असा हा एकमेव सस्तन प्राणी आहे. हे खवले शृंगप्रथिन या पदार्थापासून बनलेले असतात (प्राण्याची नखे व गेंड्याचे शिंगसुद्धा शृंगप्रथिनांपासून बनते).

वर्णन

डोक्याचा वरच्या भाग, पाठ, शरीराचा बाजूचा भाग, संपूर्ण शेपटी व दोन्ही पायांच्या बाजूचा भाग, हे सर्व एकावर एक असलेल्या धारदार खवल्यांनी झाकलेले असतात. खवल्या मांजराच्या पोटावर विरळ व राठ केस असतात. खवल्यांमध्येसुद्धा थोडे केस असतात..

स्वसंरक्षणासाठी खवले मांजर शरीराचे वेटोळे करून घेते. ते आपले खवले उंचावू शकते. असे केले की खवल्यांच्या धारदार कडा बाहेरच्या दिशेला रोखल्या जातात..