आय.एन.एस. अरिहंत

आयएनएस अरिहंत (S-73( ॲडव्हान्स्ड टेक्नॉलॉजी व्हेसल या गटातील मोडणारी ही भारतीय बनावटीची आण्विक पाणबुडी आहे. भारताची ही पहिलीच आण्विक पाणबुडी असून यापूर्वी भारताने रशिया कडून आण्विक पाणबुडी भाडेतत्वावर घेतली होती.

अरिहंतचा अर्थ शत्रूचा नाश करणारी असा होतो. भारतीय नौदलाला अशा आण्विक पाणबुडीची जागतिक स्तरावर ठसा उमटवण्यासाठी तीव्र गरज होती. सुमारे तीस हजार कोटी रुपयांचा हा प्रकल्प यासाठी १९८० मध्ये सुरू झाला. दोन दशके या पाणबुडीची उभारणी चालू होती. ही उभारणी विशाखापट्टणम येथील गोदीत करण्यात आली

अरिहंत ची क्षमता

• वजन - सहा हजार टन
• लांब - ११० मीटर
• रुंदी - १२ मीटर
• न्युक्लिअर रिॲक्टर - ८५ मेगावॉट
• वेग - २२ ते २८ किमी प्रति तास

या पाणबुडीवर २३ अधिकारी आणि ७२ नौसैनिक असे ९५ जण राहू शकतात. 'अरिहंत'वर १२ क्षेपणास्त्रे आहेत.