अळू

अळूची पाने

अळू (शास्त्रीय नाव : Colocasia esculenta, कलोकेशिया एस्क्युलेंटा ; इंग्लिश: Taro, टॅरो ;) ही कंदमूळ प्रकारात मोडणारी, अरॅशिए सुरण कुळातील वनस्पती आहे. मुळात आग्नेय आशियातली ही वनस्पती आता आफ्रिका व आशिया खंडांतील उष्ण कटिबंधीय प्रदेशांमध्ये सर्वत्र आढळते. अळू बारमाही उगवणारा असून, याची पाने व कंद खाण्याजोगे मानले जातात.

उपयोग

खाद्यपदार्थांमधील उपयोग

महाराष्ट्रात लग्नसमारंभांत याच्या पानांची पातळ भाजी करतात. त्या भाजीला कोंकणात अळूचे फदफदे असे म्हणतात. अळूच्या पानांवर हरबर्‍याच्या डाळीचे भिजवलेले पीठ आणि इतर मसाले थापून पानाला उभी घडी घालून उकडतात. नंतर त्या पानाच्या वड्या पाडतात. या वड्यांना गुजरातमध्ये पातरा म्हणतात. उपवासाच्या दिवशी अळूचे कंद उकडून खातात. या कंदांना अरवी असे नांव आहे.

भाजीचा अळू, वडीचा अळू आणि शोभेचा अळू असे याचे तीन मुख्य प्रकार आहेत.

हेही पहा

• विकिपीडिया:वनस्पती/यादी

बाह्य दुवे

विकिमीडिया कॉमन्सवर

कोलोकेशिया एस्क्युलेंटा

संबंधित संचिका आहेत

• अळूची भाजी - मराठीमाती
• प्लँट ऑफ द वीक - अळू (इंग्लिश मजकूर)